پرویز لال کے خلاف 3MPOکوواپس لیا جائے۔۔سلیم خان
پشاور(چترال ٹائمز رپورٹ) سابق صوبائی وزیر اور صدر پی پی پی لوئیر چترال سلیم خان نے کہاہے کہ پرویز لال ایک سماجی اور سیاسی ورکر ہے اورہمیشہ اپرچترال کے مسائل کیلئے آواز اُٹھاتے رہے ہیں جبکہ ڈی سی اپر چترال نے ان کے خلاف 3MPO لگاکر حق کی آواز کو دبانے کی کوشش کی ہے اپنی حق کیلئے بات کرنا کوئی جرم تونہیں۔ ایک پریس ریلیز میں سلیم خان نے کہا ہے کہ پرویزلال نے وزیراعلیٰ کی ریشن آمد کے موقع پر متاثرین کیلئے آواز اُٹھایا تھاجس کی پاداش میں ان کے خلاف انتظامیہ کاروائی کررہی ہے۔ انتظامیہ عوامی مفاد میں اپنے اس فیصلے پر نظر کرے اورپرویز لال کے خلا ف لگائے گئے 3MPOکو واپس لے بصورت دیگر پیپلز پارٹی چترال پرویز لال کی رہائی کیلئے پورے چترال میں مہم چلائیگی اورجیل بھر مہم کا آغاز کریگی۔
