اپرچترال انتظامیہ حرکت میں آگئی،ریشن کےمقام پردریاکا رخ دوسری طرف منتقل کرنے کا فیصلہ
اپر چترال (چترال ٹائمز رپورٹ) ڈپٹی کمشنراپر چترال شاہ سعود کی خصوصی ہدایات پر شاہ عدنان ایڈیشنل اسسٹنٹ کمشنر مستوج ایکسین سی اینڈ،ڈبلیو اپر چترال ودیگرحکام کے ہمراہ ریشن شا دیر کے مقام پر دریا کی کٹائی کی وجہ سے متاثرہ ہونے والی چترال شندور روڈ کا معائنہ کیا۔ تفصیلی معائنہ اور دوسرے سٹیک ہولڈرز کے ساتھ مشورے کے بعد ایکسین ایریگیشن اپر چترال کو ہنگامی اور فوری طور پر دریا کا رخ دوسری طرح منتقل کرنے کی ہدایت کی گئی۔ کل ایریگیشن ڈیپارٹمنٹ اپر چترال کے زیراہتمام باقاعدہ طور پر چینیلائزیشن کا کام شروع کیا جائیگا۔
