Chitral Times

Jan 24, 2022

ﺗﻔﺼﻴﻼﺕ

تحریک حقوق اپر چترال کے سنئیر نائب صدر رحمت سلام کا استعفیٰ جذباتی فیصلہ ہے۔عبد اللہ جان

شیئر کریں:

اپر چترال (چترال ٹائمز رپورٹ) تحریک تحفظِ حقوق اپر چترال کا واحد غیر سیاسی تنظیم ہے جو عرصہ دراز سے اپر چترال میں عوامی حقوق کے لیے جد وجہد میں مصروف ہے اور ہر مسلے پر آواز اٹھاتے رہی ہے۔رحمت سلام لال تحریک کے سنئیرنائب صدر اور دیرانہ کارکن جو چند روز قبل اپنے ایک بیان کے ذریعے تحریک سے علحیدگی کااعلان کر چکے ہیں۔ تحریکِ تحفظِ حقوق اپر چترال کے جنرل سکرٹری عبد اللہ جان نے ایک اخباری بیان میں اس بات پر افسوس کا اظہار کیا ہے کہ تحریک کی بنیادی رکن اور سنئیر نائب صدر جو کہ تحریک کے لیے قابلِ احترام ہے،اپنے جذباتی فیصلے کے ذریعے تحریک سے علحیدگی کا اعلان کیاجو کہ باعثِ تعجب ہے۔رحمت سلام لال اگرکوئی تحفظات رکھتے تھے تو تحریک کا ایک منظم اور فعال کابینہ موجود ہے اس کے نوٹس میں لاتے۔لیکن نوٹس میں لائیے بے غیر تحریک پر مختلف الزامات عائد کرنا ان کے شایان شان قطعی نہیں۔انھیں چاہیے تھا کہ اگر ایسا کوئی کام ہوا ہو جو تحریک کے دستور کے مطابق نہ ہو تو اسے کابینہ کی نوٹس میں لاکر اس پر بحث کراتے اور اس سے غلط فہمیاں دور ہوجاتی۔
بحیثیت جنرل سکرٹری میں یقین سے کہتا ہوں کہ رحمت سلام لال کا فیصلہ کوئی غلط فہمی کا ہی نتیجہ ہے۔تحریکِ تحفظِ حقوق اپر چترال علاقے میں تمام تعصبات سے بالاتر ہوکر عوامی حقوق کے لیے آواز اٹھانے کے لیے وجود میں ائی ہے جو اپنے موقف پر عمل پیرا ہے۔رحمت سلام لال کے اگر کوئی تحفظات ہیں تو انہیں دور کرنے کے لیے بہت جلد کابینہ کا اجلاس بلایا جائیگا اورانھیں اپنے موقف، مدعا پیش کرنے کا بھر پور موقع دیا جائیگا۔ جنرل سکرٹری عبداللہ جان کا مزید کہنا تھا کہ تحریک کسی فرد واحد کا نام نہیں یہ ایک منظم ادارہ ہے اور اس کا ایک نظام ہے جس کے تحت یہ تحریک قائم ہے اورا سے کسی سازش کا شکار نہیں ہونے دیا جائیگااور نہ تحریک کوکسی فردِ واحد کے تابع ہونے دینگے۔


شیئر کریں: