Chitral Times

Mar 29, 2024

ﺗﻔﺼﻴﻼﺕ

چترال میں دو دن کے اندر خودکشی کے دوواقعات

شیئر کریں:

چترال (نمائندہ چترال ٹائمز)چترال میں دو دن کے اندر خودکشی کے مبینہ طور پر دو واقعات ہوئے۔ پہلا واقعہ موڑکہوکے زائنی گاؤں میں پیش آیا جہاں نوراحمد نامی شخص کی اہلیہ جو پانچ ماہ کے بچے کی ماں تھیں تین دن سے لاپتہ ہے۔ ابتدائی اطلاعات کے مطابق گھریلیوتنازعہ کے بعد خاتون نے وریجون کے مقام پر دریا میں کود کر مبینہ طور پر خودکشی کی ہے۔ تاہم مقامی پولیس اصل حقائق جاننے کیلئے تفتیش کررہی ہے جبکہ انکی چپل دریا کے کنارے ملنے کے بعد انکی تلاش جاری ہے۔ تاہم لاش ابھی تک نہیں ملی ہے۔

دوسرا واقعہ لوئیر چترال کے کوہ ایریا میں کوغذی کے مقام پر پیش آیا جہاں سولہ سالہ نوجوان نے نامعلوم وجوہات کی بنا پر دریا چترال میں چھلانگ لگاکر خودکشی کی ہے۔ بشیراحمد ولد غلام احمد جواصل میں شیشی کوہ سے تعلق رکھتے ہیں تاہم والد گرامی مقامی کمپنی میں ملازم ہونے کی وجہ سے وہ گزشتہ کئی برسوں سے کوغذی میں رہائش پذیر ہیں، گزشتہ دن نامعلوم وجوہات کی بنا پر برغوزی پل سے دریا چترال میں چھلانگ لگاکر خودکشی کی ہے۔ ریسکیو ۱۱۲۲کی ٹیم دریا چترال میں تلاش کررہی ہے۔


شیئر کریں: