بی ایل ایس او کے زیراہتمام کورونا حوالے اگاہی پروگرام کا انعقاد

اپر چترال (چترال ٹائمز رپورٹ) بیار لوکل سپورٹ آرگنائزیشن کے زیر اہتمام AKRSP اپر چترال کے تعاؤں سے کورونا کے حوالے سے آگاہی پروگرام کا اہتمام کیا گیا۔اس موقع پر فوکل پرسن برائے کورونا ڈسٹرکٹ اپر چترال ڈاکٹر سردار نواز نے کورونا کی روک تھام اور احتیاطی تدابیر کے سلسلے میں تفصیل سے شرکاء کو اگاہ کیا۔انھوں نے کہا کہ ضرورت اس بات کی ہے کہ لوگوں میں اس سلسلے میں زیادہ سے زیادہ شغور اجاگر کرنے کی ہے۔ہمیں سوشل ڈسٹنسنگ کا خیال رکھنا ہے،علامات ظاہر ہونے کی صورت میں ہیلتھ والوں سے رابطہ کرنا چاہے،پرہجوم مقامات پر جانے سے گریز کرنا چاہیے،بازار اور اجتماع میں جاتے وقت SoPs کا بھر پور خیال رکھنا چاہئے۔فوکل پرسن نے ٹاسک فورس کے ممبران سے کہا کہ ضرورت پڑنے پر وہ بلا جھجک ان سے رابطہ کریں۔اس موقع پر AKRSP اپر چترال کے ID منیجر نے کہا کہ AKRSP،LSOs کو ساتھ لیکر اس سلسلے میں اپنا کردار ادا کرتا رہے گا۔انھوں نے یقین دلایا کہ AKRSP حسب معمول عوام کو ریلیف پہنچانے میں اپنا کردار اد ا کریگی۔اس سلسلے میں مقامی خواتین اور مرد تنظیمات کا کردار بہت اہم ثابت ہو گا۔