پیر کرم علی شاہ کے خاندان کے ساتھ اظہار تعزیت۔۔چترالی کمیونٹی دوبئی
دبئی(نمائندہ چترال ٹائمز) UAE میں مقیم چترالی باشندوں نے سابق گورنر گلگت بلتستان پیر کرم علی شاہ کی وفات پر گہری دکھ اور غم کا اظہار کرتے ہوئے غمزدہ خاندان کے ساتھ دلی ہمدردی کا اظہار کیا ہے چترال اویرسیز چترال ویلفئر ایسوسی ایشن دبئی کے صدر معروف سماجی شخصیت حاجی محمد ظفر ، سوشل ورکر سنگین علی شاہ ،نائیب صدر پی پی پی ابو ظہبی نظارولی شاہ ،فتح الرحمن ،افضل سید، عبدلولی عاصی اور شاہ علی نے اپنے مشترکہ تعزیتی پیعام میں پیر کرم علی شاہ کو شاندار الفاظ میں خراج عقیدت پیش کرتے ہوے انکی سماجی مزہبی اور سیاسی خدمات کی تعریف کی ہے اور کہا ہے کہ انہیں چترال اور گلگت سمیت تمام کمیونٹی اور اور تمام مکتبہ فکر کے لوگ عزت اور احترام کی نظر سے دیکھتے تھے اسی لیے انہیں امن کا سفیر کہا جاتا تھا۔ اس موقعہ پر ان کے فرزند سید جلال شاہ اور خاص کر انکے بتیجے حسین جان کے ساتھ تعزیت اور دلی ہمدردی کا اظہار کیا گیا۔ ۔
یاد رہے کہ حسین جان دبئی میں چترالی کیمونٹی کے ساتھ ہر خوشی اور دکھ میں برابر کے شریک رہے ہیں آخر میں دعا کی گئی کہ اللہ پاک مرحوم پیر کرم علی شاہ کو اپنے جوار رحمت میں جگہ عطا فرمائے اور پسماندگان کو صبر جمیل عطا فرمائے ۔