طالبہ نداابراہیم کا اعزاز، میٹرک میں 1047 نمبر حاصل کرکے سکول میں پہلی پوزیشن حاصل کی
پشاور(چترال ٹائمز رپورٹ ) اپر چترال کے خوبصورت وادی تریچ وریمون سے تعلق رکھنے والی ہونہار طالبہ نداابراہیم دختر پروفیسر محمد ابراہیم شاہ نے پشاور یورڈ کے حالیہ میٹرک کے امتحان میں 1100 نمبروں میں سے 1047 نمبر حاصل کرکے اپنے سکول فاروڈ پبلک سکول پشاور میں پہلی جبکہ بورڈ میں اٹھارویں پوزیشن حاصل کی ہے ۔
انھوں نے اپنی کامیابی کو اللہ تعالی کی مہربانی ، والدین کی دعاوں ، اساتذہ کی بہترین رہنمائی اور اپنی انتھک محنت کا نتیجہ قرار دیا ہے۔
یادرہے کہ پروفیسر ابراہیم کی بڑی بیٹی بھی سی ایس ایس کا امتحان نمایاں نمبروں سے پاس کرکے پی اے ایس گروپ میں جگہ بنانے میں کامیاب ہوچکی ہیں اورآج کل بحیثیت اسسٹنٹ کمشنر خدمات انجام دے رہی ہیں۔
