سنٹینل ماڈل ہائی سکول چترال کے طالب علم محمد یاسر کا اعزاز،
چترال (نمائندہ چترال ٹائمز ) گورنمنٹ سینٹنیل ماڈل ہائی سکول (بوائز) چترال کے طالب علم محمد یاسر ولد محمد غفور ساکن دنین چترال نے پشاوربورڈ کے حالیہ نتائج کے مطابق میٹرک کے امتحان میں 1100نمبروں میں سے 991 نمبر لیکر نہ صرف اپنے سکول کے سابقہ ریکارڈ توڑدیا بلکہ چترال کے دونوں اضلاع کے سرکاری سکولوں میں ٹاپ پوزیشن حاصل کر کے اپنے سکول کو نئے اعزاز سے نوازا ہے۔
طالب علم محمد یاسر نے اپنی نمایاں کامیابی کو اللہ تعالیٰ کی مہربانی ، والدین کی دعاوں ، اساتذہ کی بہترین رہنمائی اور اپنی انتھک محنت کا نتیجہ قرار دیا ہے۔