چترال شہر کے قریب ٹرک کو حادثہ، ڈرائیور معجزانہ طور پر بچ گئے
چترال (نمائندہ چترال ٹائمز) ہفتے کے روز چترال شہر میں گہتک گاؤں میں واقع گورنمنٹ گرلز کالج کے سامنے پشاور سے سامان لانے والی ٹرک بریک فیل ہونے کی وجہ سے دریا کے قریب کھائی میں گرگئی جس میں ڈرائیور معجزانہ طور پر بچ گئے اور انہیں معمولی چوٹیں لگ گئیں۔ ٹرک سامان سے بھرا ہوا تھا جن میں سامان کراکری، کریانہ اور سرل فارماسوٹیکل کمپنی کے ادویات شامل تھے جوکہ ٹوٹ پھوٹ کا شکار ہوگئے۔حادثے کا شکار ہونے والی ٹرک کا رجسٹریشن نمبر 2614 پشاور ہے جسے ڈرئیور حاجی نواز چلارہے تھے۔ حادثے کی اطلاع ملتے ہی ریسکیو 1122کا عملہ موقع پر پہنچ گئے اور امدادی کاروائیں شروع کردی۔
