کیسو دروش واٹرسپلائی اسکیم کیلئے 94.243 ملین روپے مختص، علاقے میں خوشی کی لہر
دروش (چترال ٹائمز رپورٹ ) علاقہ کیسو کے پائپ لائن کی ٹینڈر کی خبر ملتے ہی علاقہ میں جشن کا سماں ہے۔ مقامی میڈیا سے گفتگو کرتے ہوئے پاکستان تحریک انصاف کے رہنما نثار دستگیر نے کہا ہے کہ ہم اہالیان کیسو اللہ و تبارک تعالیٰ کے نہایت ہی شکر گزار ہیں کہ علاقے کا درینہ مسئلہ حل ہوگیا۔ پاکستان بننے سے علاقہ کیسو میں پینے کی پانی کا شدید مسئلہ تھا ۔ اب چونکہ عمران خان کی حکومت میں چترال میں معاون خصوصی وزیر زادہ کی کوششوں سے مختلف ترقیاتی کاموں کی مد میں خطیر رقم مختص کیے گیے ہیں جن میں علاقہ کیسو کے پائپ لائن کیلئے 94.243ملین روپے کا خطیر رقم شامل ہے ۔جس سے علاقے میں پانی کا بحران انشا اللہ حل ہو جائے گا۔ ان کا کہنا ہے کہ علاقے میں ایک چھوٹے چشمے سے پانی سپلائی ہوتا تھا جس سے لوگوں کے ضروریات ہی پورا نہیں ہوتے تھے ۔ اب چونکہ معاون خصوصی وزیر زادہ اور سرتاج احمد خان کی انتھک کوششوں سے علاقے کا درینہ مطالبہ پانی کا مسئلہ حل ہو گیا۔جس سے پورے علاقہ کیسو کے مکینوں کو صاف پانی مہیا ہوگی ۔ مذکورہ پراجیکٹ شیشی کوہ سے پائپ لائن کے زریعے کیسو پہنچایا جائیگا اور انہتائی دشوار گزار پہاڑی علاقے سے ہوتے ہوئے کیسو پہنچے گا۔ نثار دستگیر کا مزید کہنا ہے کہ علاقے میں اپباشی کیلئے پانی کا مسئلہ تا حال حل طلب ہے جس کیلئے ہم حکومتی نمائندوں کے ساتھ درخواست جمع کیے ہیں اور ہم امید کرتے ہیں کہ جناب معاون خصوصی وزیر زادہ اپباشی کیلئے بھی پانی کابندوبست کر کے علاقہ مکینوں کا دل جیت لے گا۔