Chitral Times

Mar 29, 2024

ﺗﻔﺼﻴﻼﺕ

چترال میں اعلیٰ معاشرتی اقدار کو پروموٹ کرنے میں اسٹریم میڈیا کا کردار قابل تعریف ہے۔۔وسیم ریاض

شیئر کریں:

چترال(نمائندہ چترال ٹائمز ) ڈسٹرکٹ پولیس آفیسر چترال وسیم ریاض نے کہا ہے کہ چترال میں امن وامان کو قائم رکھنے اور اعلیٰ معاشرتی اقدار کو پروموٹ کرنے میں مین اسٹریم میڈیا کا کردار قابل تعریف ہے اور یہاں کے صحافی احساس ذمہ داری کے ساتھ اپنے پیشہ ورانہ خدمات سر انجامِ دے رہے ہیں۔ ہفتے کے روز چترال پریس کلب کی عمارت میں رینویشن کے کام کا افتتاح کرتے ہوئے انہوں نے کہا کہ گزشتہ ایک سال سے چترال میں اپنی تعیناتی کے دوران انہوں نے منشیات کے خلاف جنگ سمیت جتنے بھی کام کی اور مہم چلائی،ان سب میں میڈیا کا بھرپور حاصل رہا۔ اس موقع پر پریس کلب کے صدر ظہیر الدین نے کہا کہ پریس اور پولیس کے ایک قریبی تعلق کار ہوتی جوکہ چترال میں مثالی انداز میں قائم ہے اور معاشرتی برائیوں کے خلاف دونوں ایک دوسرے کا ساتھ دیتے رہے ہیں۔ انہوں نے ڈی پی او وسیم ریاض کا منشیات کے خلاف منظم، مربوط اور مخلصانہ کاوشوں کو سراہتے ہوئے کہا کہ گزشتہ ایک سال سے منشیات کے کاروباریوں کا قلع قمع ہوگئی ہے جس سے عوام نے سکھ کا سانس لے لیا ہے۔ اس سے قبل ڈی پی او نے افتتاحی تختی کی نقاب کشائی کی۔ ایس پی انوسٹی گیشن محمد خالد اور ڈی ایس پی ہیڈکوارٹرز محئ الدین اور دوسرے پولیس افسران بھی موجود تھے۔

dpo chitral wasim riaz chiral press club last visit 2
dpo chitral wasim riaz chiral press club last visit 3
dpo chitral wasim riaz chiral press club last visit 1

شیئر کریں: