Chitral Times

Feb 23, 2024

ﺗﻔﺼﻴﻼﺕ

اپرانتظامیہ کی ایس اوپیز پر عملدرآمد کو یقینی بنانے کے سلسلے میں مختلف علاقوں میں کاروائی

شیئر کریں:

اپر چترال (چترال ٹائمز رپورٹ ) ڈپٹی کمشنر اپر چترال کی ہدایات پر محمد عرفان الدین ایڈیشنل ڈپٹی کمشنر اپر چترال نے بدھ کے روز مستوج اور اس کے ملحقہ بازاروں اور پبلک مقامات کا اچانک دورہ کیا۔ دورے کا مقصد کورونا وائرس کے مریضوں کے تعداد میں روز بروز اضافہ ہونا اور اس سے بچاءو کے سلسلے میں لوگوں کے اندر کوتاہیوں اور لاپرواہیوں سے متعلق عوام کو آگاہ کرنا تھا۔

دوران انسپکشن انہوں نے متعدد دکانداروں کو بے غیر ماسک پہنے کاروباری لین دین میں ملوث پایا اور ان کو سختی سے ہدایت کی کہ ائندہ کے لئے ماسک کا استعمال یقینی بنائیں۔ ان کو سمجھایا کہ ماسک، سنیٹائزر اور گلوز کا استعمال ہر لحاظ سے یقینی بنانا ہے اور اس حوالے سے کوئی سمجھوتہ نہیں کیا جائے گا اور مذید خلاف ورزی برتنے والوں کے خلاف سخت تادیبی کاروائی عمل میں لائی جائے گی۔ انہون نے اشیاء خوردنوش کے نرخنامے کے ساتھ ساتھ زائدالمیعاد اشیاء بھی چیک کئے۔

adc upper chitral mastuj visit1 1
adc upper chitral mastuj visit2
adc upper chitral mastuj visit3 1

دریں اثنا ایڈیشنل اسسٹنٹ کمشنر مکرم خان افریدی نے محمد ریاض موٹر وہیکل ایگزامینر تیمرگرہ اور ٹریفک اہلکاروں کے ہمراہ اپر چترال کے مختلف بازاروں، پبلک مقامات اور اڈوں کا دورہ کیا۔

دورے کے دوران کورونا وائرس کے بڑھتے ہوئے پھیلاؤ اور اس سے محفوظ رہنے سے متعلق لوگوں میں آگاہی دی گئی۔ماسک کا استعمال ہر ممکن یقینی بنانے اور بلا ضرورت چہل پہل سے باز رہنے سے متعلق لوگوں کو انتباہ کیا گیا۔ گڑھے سڑے پھل اور سبزی بھیجنے والے متعدد دکانداروں کے خلاف کاروائی کی گئی اور ان کو آگاہ کیا گیا کہ ائندہ بھی معیار پر سمجھوتہ نہیں کیا جائے گا۔

بعد ازاں وہ پبلک ٹرانسپورٹ اور اڈوں کا دورہ کیا اور اڈے کی صفائی ستھرائی اور پبلک مقامات کو موثر بنانے کے حوالے سے بھی احکامات صادر کئے اور پبلک مقامات میں غیر ضروری نقل و حرکت پر سخت برہمی کا اظہار کرتے ہوئے متعدد عناصر کے خلاف کاروائی کرتے ہوئے ان کو جرمانہ کیاگیااور ان کو اس طرح کے غیر سماجی افغال سے باز رہنے کی ہدایات کی گئی۔ عوامی حلقوں کی جانب سے انتظامیہ کے آفیسران کے اس اقدام کو سراہا گیا۔

adc upper chitral mastuj visit4 1
adc upper chitral mastuj visit5 1
upper chitral administration action against transporter
upper chitral administration action against transporter2

شیئر کریں: