چترال کے ایک اورنوجوان فداعلی کا اعزاز، پاک آرمی میں کمیشن لینے میں کامیاب
چترال (چترال ٹائمز رپورٹ)موردیر موڑکہو سے تعلق رکھنے والا ہونہار نوجوان فداعلی ولد خدانگاہ نے پی ایم اے لانگ کورس کا امتحان پاس کرکے پاک آرمی میں کمیشن لینے میں کامیاب ہوگیا ہے۔ انھیں گزشتہ دنوں پاک آرمی کی طرف سے پی ایم اے 145لانگ کورس کیلئے جوائننگ لیٹر موصول ہوگیا ہے۔ فداعلی نے میٹرک تک تعلیم مقامی پرائیویٹ سکول ابن بطوطاکمیونٹی سکول اورایف ایس سی آغاخان ہائیرسیکنڈری سکول سین لشٹ چترال سے حاصل کی ہے۔ انھوں نے اپنی کامیابی کو اللہ تعالی کی مہربانی والدین کی دعاؤں اوراساتذہ کی بہترین رہنمائی قرار دیا ہے۔
یادرہے کہ حال ہی میں ان کے چچا زاد بھائی آیاز احمد ولد مولانگاہ پی ایم اے 141لانگ کورس مکمل کرکے پاک آرمی میں ڈیوٹی انجام دے رہا ہے۔