ریسکیو1122 چترال کی ٹرانسپورٹ اڈوں میں جراثیم کش سپرے مہم کا آغاز
چترال(نمائندہ چترال ٹائمز) ڈائریکٹر جنرل ریسکیو 1122 خیبر پختونخوا ڈاکٹر خطیراحمد کے احکامات کی روشنی میں ریسکیو 1122 ٹرانسپورٹ اڈوں میں کورونا سے بچاؤ کیلئے خصوصی جراثیم کش سپرے مہم شروع کی ہے۔ صوبائی حکومت کی پیر کے دن سے ٹرانسپورٹ شروع کرنے کے احکامات کے بعد ڈ سٹرکٹ ایمرجنسی افیسرچترال ظفرالدین کی سربراہی میں ریسکیو1122 کی ٹیم کورونا سے بچاؤ کیلئے مختلف اڈوں میں جراثیم کش سپرے کئے جسکا مقصد مسافروں کے لیے ماحول کو صاف رکھنا ہے۔ ریسکیو کی جانب سے جن آڈوں میں اسپرے کئے گئے ان میں کڑوپ رشت کے آڈوں کے ساتھ آتالیق آڈہ بھی شامل ہے۔ اوریہ سلسلہ آئندہ بھی جاری رہیگا۔ تاکہ عوام کو اس مہلک بیماری سے بچایا جاسکے۔یہاں یہ بات بھی قابل ذکر ہے کہ ریسکیوٹیم روزانہ کی بنیادپر چترال کے مختلف دفاتر اورقرنطینہ سنٹروں میں جراثم کش اسپرے کرتے رہے ۔جس کو سراہا گیا۔