فرنٹ لائن پر کام کرنے والے پیرامیڈیکل اسٹاف کے ساتھ سوتیلی ماں کا سلوک بند کیاجائے۔۔جمال الدین

چترال (چترال ٹائمزرپورٹ) پیرامیڈیکل ایسوسی ایشن چترال کے صدر جمال الدین نے کہا ہے کہ حالیہ کورونا وائریس (COVID-19)جیسے خطرناک بیماری سے بچاو او ر روک تھام کے سلسلے میں جو مہم چل رہی ہے۔ا س میں فرانٹ لائن پر کام کرنے والے پیرامیڈیکل اسٹاف اپنی جان کی پرواہ کئے بغیر شروع سے آج تک مسلسل 24 گھنٹے ڈیوٹی خوش اسلوبی کے ساتھ انجام دے رہے ہیں۔ اپنی چھٹیاں بھی قربان کئے ہوئے ہیں۔ ان کے لئے نہ رہائش کا بندوبست ہے نہ ٹرانسپورٹ کا اور نہ پروٹوکول کے مطابق سیفٹی کا۔ ان کی جانین غیر محفوظ ہیں۔ ابھی تک TA DA کابھی پتہ نہیں صوبائی حکومت نے ریسکی الاونس اور بونس تنخواہ دینے کی بات بھی کی تھی ابھی تک اس کا بھی پتہ نہیں چلا۔ایک اخباری بیان میں انھوں نے کہا ہے کہ پیرامیڈیکل اسٹاف کے پروموشن کا مسئلہ تو کئی سالوں سے تعطل کا شکار ہے۔ اسٹاف چالیس سال سروس کر کے بنیادی پے سکیل پر پنشن لے رہے ہیں۔ ان مظالم کی تو آخر کوئی حد ہوتی ہے۔برداشت کا پیمانہ لبریز ہو گیا ہے۔راست قد م اُٹھانے کے لئے ہم اپنے صوبائی قیادت کے حکم کے منتظر ہیں۔ میدان میں اُتر نے کے بعد پھرہمیں قابو کرنا حکومت کے لئے مشکل ہوگا۔ لہذا ہم حکومت سے اپیل کرتے ہیں کہ ہمارے مسائل پر سنجیدگی سے غور فرماکر مظلوم پیرامیڈیکل اسٹاف کی دادرسی فرمائیں۔