Chitral Times

Dec 4, 2022

ﺗﻔﺼﻴﻼﺕ

چترال لوئیر میں کرونا کے مذید پانچ پازیٹیوکیسز کی تصدیق، چترال میں کل کیسز کی تعداد 33ہوگئی

شیئر کریں:

چترال (نمائندہ چترال ٹائمز)چترال لوئیر میں کروناوائرس (کوڈ۱۹)کے پانچ مذید پازیٹیو کیسز کی تصدیق ہوئی ہے۔ محکمہ ہیلتھ چترال کے ذرائع کے مطابق صادق احمد ولد نثار احمد ساکن اوسیک دروش عمر 32سال جودروش کے قرنطینہ میں تھے،پازیٹیو تصدیق ہونے پر آئسولیشن وارڈ شفٹ کردیا گیا ہے۔


اسی طرح سہراب خان ولد زیارت خان ساکن سوات حال چترال (پی آئی اے چوک چاول فروش)عمر 28سال جو چترال شہر میں قرنطینہ میں تھے۔ کرونا وائرس کی تصدیق ہوئی ہے۔

اسی طرح شخص شہاب الدین نامی شخص جو دروش کے قرنطینہ میں تھے میں بھی کورونا وائرس کی تصدیق ہوئی ہے۔
سید قادر ولد غلام قادر ساکن جغور ہنجیگول عمر پچاس سال جو پشاور سے چترال آیا تھا اورمقامی ہوٹل میں
قرنطینہ میں تھے، کرونا پازیٹیو رپورٹ آنے پر آئسولیشن وارڈ منتقل کردیا گیا۔

دریں اثنا محمد آفان ساکنہ زرگراندہ چترال عمر۴ سال جو پشاور سے چترال آیا تھا اور مقامی ہوٹل میں قرنطینہ میں تھےمیں کرونا وائرس کی تصدیق ہوئی ہے۔

ان کے ساتھ چترال میں کل کیسز کی تعداد 33ہوگئی ہے۔ جبکہ لوئیر چترال میں گزشتہ دنوں چار افراد کو صحت یا ب ہونے پر ہسپتال سے فارع کردیا گیا۔ اخری اطلاع کے مطابق لوئر چترال میں کل 23افراد اور اپر چترال میں پانچ افراد آئسولیشن میں ہیں۔


شیئر کریں: