فلاحی و امدادی سرگرمیوں کیخلاف پریس کانفرس قومی مفاد میں نہیں ھے۔ ارشاد مکرر۔
(چترال (چترال ٹائمزرپورٹ ) پاکستان تحریک انصاف کے رہنما ارشاد مکرر نے ایک اخباری بیان میں کہا ہے کہ موجودہ مشکل حالات میں شاہد افریدی فاؤنڈیشن کی چترال کے طول و عرض میں امدادی سرگرمیاں انتہائی قابل تعریف عمل ھے جسے چترال کے کرونا متاثرین مستفید ہو رہے ھیں۔لیکن انتہائئ افسوس کی بات ھے۔کہ ہمارے قومی نمائندے جو خود کچھ کرنے کی پوزیشن میں نہیں ھیں۔دوسرے فلاحی اداروں کی سرگرمیوں میں شامل ہو کر حقداروں کو حق پہچانے کی بجائے مخالفت پر اتر آئے ھیں۔مشکل کی اس گھڑی میں انتظامیہ اور دیگر فلاحی اداروں کے ساتھ تعاون کرنے کے بجائے قومی مفاد کے برعکس طرز عمل اختیار کرنا ہمارے مولانا صاحباں کا انتہائی قابل مذمت اقدام ھے۔
لہذا قوم کی نمائندگی کیلئے خود میں قومی مفاد کو سمجھنے کی اہلیت پیدا کرے۔ان کا استعفی قوم پر احسان ہوگا ۔قوم ان کے حق میں دعا کرے گی وہ قوم کے حق میں دعا کریں۔
اخر میں شاہد افریدی فاؤنڈیشن کے فلاحی کاموں کے حوالے سے چترال اور چترال بالا میں غریب لوگوں بروقت امداد پہنچانے پر مقامی انتظامیہ فعال کارگردگی اور کمشنر ملاکنڈ ڈویژن کی خصوصی معاونت ذاتی دلچسپی پر ان کے اور شاہد افریدی فاؤنڈیشن کے انتہائی شکر گزار ہیں۔اور وہ تاحیات غریبوں کے دعاؤں کے حقدار ہیں۔چترال کے غریب عوام مولانا صاحبان سے اب صرف دعاوں کے طلبگار ہیں۔کیونکہ اب وہ کسی کام کاج کے قابل نہیں رھے نہ خود کچھ کرتے ہیں اور نہ کسی اور کو کچھ کرنے دیتے ھیں