Chitral Times

Mar 28, 2024

ﺗﻔﺼﻴﻼﺕ

آغاخان ہیلتھ سروس کے زیراہتمام کرونا وائرس سے بچاؤ کے سلسلے میں اگاہی مہم جاری

شیئر کریں:

چترال (نمائندہ چترال ٹائمز)آغاخان ہیلتھ سروس صوبہ خیبرپختونخوا اورپنجاپ ریجن کے ریجنل ہیڈمعراج الدین اور ٹیکوپراجیکٹ کے ڈسٹرکٹ کوارڈینٹرانوربیگ نے کروناوائرس کے حوالے سے گفتگوکرتے ہوئے کہاہے کہ اے کے ایچ ایس پی چترال کے مختلف علاقوں میں کروناوائرس سے بچاؤکے بارے میں احتیاطی تدابیرکے حوالے سے مہم شروع کی ہے۔ اس سلسلے میں آگاہی گھرگھرپہنچانے کی کوشش کررہے ہیں۔انہوں نے کہاکہ کروناوائرس سے بچاؤکے لیے سب لوگ احتیاطی تدابیر اختیار کریں اور اپنے اہلِ خانہ کو بیماری سے محفوظ رکھیں،ذرا سی بے احتیاطی نقصان کا باعث بن سکتی ہے اس لیے علاج سے بہتر احتیاط پر عمل کرتے ہوئے اپنے سمیت دوسروں کو بھی بیماری سے بچانے کے لیے میل جول کم کریں۔
بیماری سے بچنے کے لئے صرف ماسک کا استعمال ہرگز کافی نہیں۔ اس کے لئے بار بار ہاتھ دھونا، چھینک اور کھانسی کے دوران منہ اور ناک کو ڈھانپنا اور ایسے لوگوں سے دْور رہنا بھی ضروری ہے۔ انہوں نے کہاکہ بخار،کھانسی،زکام،سردرد،سانس لینے میں دشواری کروناوائرس کی ابتدائی علامات ہوسکتی ہیں۔ایسے فردکوباقی افرادسے الگ ہوکرچنددن تنہائی میں گزارناچاہیے اوراپنے اندرقوت مدافعت پیداکرنے والی غذائیں اوردوایات استعمال کرنے کی ضرورت ہے۔ کمزورقوت مدافعت رکھنے والے افرادباآسانی سے شکارہوجاتے ہیں۔اگرجسم میں قوت مدافعت ہوتوکوئی بھی بیماری اورانفیکشن آسانی سے آپ پرحملہ آورنہیں ہوسکتاہے۔انہوں نے کہاکہ اس وائرس کی سب سے خطرناک بات یہ ہے کہ وائرس انتہائی سرعت کے ساتھ ایک انسان سے دوسرے انسان میں منتقل ہوجاتاہے۔یہ بات بالکل واضع ہے کہ کروناوائرس سے انتابڑاخطرہ نہیں،جتنابڑاخطرہ اس کی پھیلنے سے ہے۔انہوں نے کہاکہ اگرکوئی ایسے واقعہ پیش آئے ہیلتھ سنٹریاہسپتال جانے سے پہلے ان نمبروں پررابطہ کریں۔گورنمنٹ ہیلب لائن نمبر:1166،آغاخان ہیلتھ سروس ہیلپ لائن نمبر:03453181108

یادرہے کہ آغاخان ہیلتھ سروس کے مختلف ہسپتالوں میں اگاہی کے ساتھ ایمرجنسی سروس بھی جاری ہے۔ ذرائع کے مطابق بونی میڈیکل سنٹرمیں روزانہ مختلف نوعیت کے کم ازکم چارایمرجنسی کیسزکا اپریشن بھی کیا جاتا ہے جس سے مختلف مکاتب فکر نے سراہا ہے۔

miraj and anwar akhsp chitral

شیئر کریں: