وحدتِ اساتذہ چترال اس مشکل گھڑی میں ہرقسم کی خدمت کے لئے تیار ہے۔۔مفتی سعید الحق

چترال(چترال ٹائمزرپورٹ) مشکل کی اس گھڑی میں وحدتِ اساتذہ چترال ضلعی انتظامیہ کے ساتھ مل کرہرقسم کی خدمات انجام دینے کے لئے تیار ہے۔ان خیالات کااظہار وحدتِ اساتذہ چترال کے ضلعی صدر مفتی سعید الحق نے اپنے ایک اخباری بیان میں کیاہے۔انہوں نے کہاکہ فی الوقت پورے پاکستان میں وحدتِ اساتذہ انتظامیہ کے ساتھ مل کررضاکارانہ خدمات انجام دے رہی ہے۔اس حوالے سے وحدتِ اساتذہ چترال نے بھی اپنے جملہ اساتذہ کوبطورِ رضاکار خدمات انجام دینے کے لئے پیش کرہی ہے۔لہذاہم ضلعی انتظامیہ کوآگاہ کرتے ہیں کہ ضلع چترال کی جس یوسی میں بھی جس قسم کے بھی رضاکار کی ضرورت ہوہمارے اساتذہ اس کے لئے تیار ہیں۔اورہم سے رابطہ کیاجاسکتاہے۔ رابطہ نمبر:۔03465949559