کرونا وائرس کا خدشہ ، تمام مارکیٹس 2 دن کیلئے بند، بین الاضلاع ٹرانسپورٹ پر7 دن کیلئے پابندی عائد
پشاور(چترال ٹائمزرپورٹ ) کرونا وائرس کے پھیلنے کے خدشے کے پیش نظر صوبائی حکومت نے ایک اورقدم اُٹھالیاہے. اعلامیہ کے مطابق 23مارچ صبح 9 بجے سے بین الاضلاع مسافربردارگاڑیوں کی آمدورفت پر پابندی عائد کردی گئی ہے، ان سات دنوںکے اندر ایک ضلعے سے دوسرے ضلعے کوئی بھی مسافربرادار گاڑی نہیںجائیگی ، جبکہ ضلع کے اندر ٹرانسپورٹ پر پابندی نہیںہوگی.
دریںاثنا صوبائی حکومت کی طرف سے صوبہ بھر میں 22 مارچ بروز اتوار صبح 9بجے سے 24 مارچ بروز منگل تک تمام مارکیٹس ، مالز اور دیگر کاروبار بند کرنے کے احکامات جاری کئے گئے ہیں ۔صرف میڈیسن ،سبزی اور جنرل سٹورز کھلے رہینگے ۔