کروناوائرس کے ممکنہ پھیلاو کے خطرے کے پیش نظرقیدیوںکی سزاؤں میں دو ماہ کی کمی کا فیصلہ
پشاور(چترال ٹائمزرپورٹ ) وزیر اعلیٰ خیبر پختونخواہ محمود خان نے صوبہ بھر کی جیلوں میں کورونا وائرس کے ممکنہ پھیلاؤ کے خطرے کے پیش نظر قیدیوں کی سزاؤں میں دو ماہ کی کمی کا فیصلہ کیا ہے۔یہ فیصلہ جیلوں میں کورونا وائرس کے متوقع پھیلاؤ کو روکنے کیلئے احتیاطی تدابیر کے طور پر کیا گیا ہے۔ وزیراعلیٰ سیکرٹریٹ سے اس سلسلے میں محکمہ داخلہ و قبائلی امور کو احکامات جاری کر دیے گئے ہیں۔ اس فیصلے کا اطلاق دہشتگردی کے مقدمات اور ریاست مخالف سرگرمیوں میں ملوث قیدیوں پر نہیں ہو گا۔