اڈیٹرایسوسی ایشن چترال کے زیراہتمام احتجاجی مظاہرہ اور دوگھنٹے کی قلم چھوڑہڑتال

چترال ( محکم الدین ) اَڈیٹرایسوسی ایشن خیبر پختونخوا سب کمیٹی چترال کے زیر انتطام ڈسٹرکٹ اکاءونٹ آفس چترال کے ملازمین نے منگل کے روز دو گھنٹے کی قلم چھوڑ ہڑتال کی اور احتجاجی مظاہرہ کیا ۔ جس میں اکاونٹس کے تمام اسٹاف نے شرکت کی ۔ اس موقع پر احتجاجی جلسے سے خطاب کرتے ہوئے اَڈیٹر ایسوسی ایشن خیبر پختونخوا سب کمیٹی چترال کے چیرمین عبدالقادر ، جنرل سیکرٹری محمد علی بیگ ، فنانس سیکرٹری فضل حق اور ایگزیکٹیو باڈی کے ممبران معراج احمد اور احمد حفیظ نے کہا ۔ کہ وہ حکومت کے امتیازی سلوک کی پُر زور مذمت کرتے ہیں ۔ جو انہوں نے اَڈیٹر اینڈ اکاوء نٹس کے ساتھ روا رکھا ہے ۔ اَڈٹ اینڈ اکاءونٹس کے ملازمین تنخواہوں اور دیگر حکومتی مراعات کے سلسلے میں غیر منصفانہ اور امتیازی سلوک کا شکار ہیں ۔ جنہیں مسلسل نظر انداز کیا جارہا ہے ۔ اور اُن کی ایک نہیں سُنی جا رہی ۔ انہوں نے کہا ۔ کہ ملک میں ہوشربا مہنگائی سے تمام ملازمین متاثر ہیں ۔ لیکن حکومت مراعات ،عنایات اور نوازشات کی بارش چند مخصوص محکموں پر کر رہا ہے ۔ جبکہ اڈیٹرکی ذمہ داریاں اور کام اُن سے کہیں زیادہ ہیں ۔ انہوں نے مطالبہ کیا ۔ کہ اَڈٹ اینڈ اکاءونٹس کے ملازمین کی تنخواہوں اور مراعات کو ایف بی آر ، جوڈیشری ، ایف آئی اے ، نیب ، قومی اسمبلی ، سینٹ وغیرہ کے تنخواہوں کے برابر لایا جائے ۔ اور اَڈٹ اینڈ اکاءونٹس کے ملازمین میں پائی جانے والی احساس کمتری ، ہیجانی کیفیت اور محرومی کو دور کیا جائے ۔ انہوں نے کہا ۔ کہ اگر حکومت نے ان کے مطالبات پر توجہ نہیں دی ۔ اور امتیازی سلوک اسی طرح جاری رہا ۔ تو وہ اپنے صوبائی قیادت کے احکامات کے مطابق ہر قسم کے احتجاج پر مجبور ہوں گے ۔ جس میں مطالبات کی منظوری تک قلم چھوڑ اور دفاتر کی تالا بندی بھی کی جاسکتی ہے ۔ اس سے اداروں اور عوام دونوں کو مشکلات کا سامنا کرنا پڑے گا ۔