Chitral Times

Nov 27, 2021

ﺗﻔﺼﻴﻼﺕ

بدھ سے جمعہ کے دوران ملک کے بالائی اور وسطی علاقوں میں مزید بارش کی پیشگوئی

شیئر کریں:

اسلام آباد (چترال ٹائمز رپورٹ‌) بدھ سے جمعہ کے دوران ملک کے بالائی اور وسطی علاقوں میں مزید بارش کی پیشگوئی کی گئی ہے.
ترجمان محکمہ موسمیات کے مطابق مغربی ہواؤں کا ایک نیا طا قتور سلسلہ پاکستان میں منگل کے روز سے داخل ہوگا جس سے دو سے تین دن تک (بدھ تا جمعہ) مزیدبارش ہوگی جس کے زیر اثر:

بدھ سے جمعہ کے دوران خیبرپختونخوا ، کشمیر ، گلگت بلتستان ، اسلام آباد ، پنجاب کے تمام اضلاع میں اکثر مقامات پر تیز ہواؤں اورگرج چمک کے ساتھ بارش اور پہاڑوں پر برفباری کا امکان ہے۔ اس دوران بعض مقامات پر ژالہ باری کا بھی امکان ہے
.
کوئٹہ ، ژوب ، پشین ، ہرنائی ، قلعہ عبد اللہ ، قلعہ سیف اللہ ، پنجگور ، زیارت ، قلات ، مستونگ میں منگل (شام) سے جمعرات تک ، جبکہ سکھر ، لاڑکانہ ، جیکب آباد ، شکار پور اور شہید بینظیر آباد میں منگل (شام) اور بدھ کے روز تیز ہواؤں اورگرج چمک کے ساتھ بارش کا امکان ہے۔ اس دوران کراچی سمیت زیریں سندھ میں گرد آلود ہوائیں چلنے کی بھی توقع ہے۔
.
کشمیر ، دیر ، سوات ، شانگلہ ، بونیر ، مانسہرہ ، ایبٹ آباد ، پشاور ، مردان ، اسلام آباد / راولپنڈی ، جہلم ، گوجرانوالہ ، لاہور ، سرگودھا ، ڈیرہ غازی خان اور فیصل آباد کے اضلاع میں بدھ اور جمعرات کو وقفے وقفے سے گرج چمک کے ساتھ موسلا دھار بارش کا امکان ہے۔
.
خیبر پختونخوا ، شمالی بلوچستان، گلگت بلتستان ، کشمیر ، اور ڈیرہ غازی خان کے ندی نالوں میں موسلادھار بارش سے طغیانی اور پہارٰ ی علاقوں میں لینڈ سلائیڈنگ کا خدشہ ہے۔
اس دوران تمام متعلقہ حکام کو کسی بھی جانی و مالی نقصان سے بچنے کے لئےاحتیاطی تدابیر اختیار کرنے کی ہدایت کی گئی ہے۔


شیئر کریں: