Chitral Times

Mar 29, 2024

ﺗﻔﺼﻴﻼﺕ

جماعت اسلامی حلقہ خواتین چترال کا اجتماع ارکان، یوم خواتین کے سلسلے میں مشاورت

Posted on
شیئر کریں:

چترال(چترال ٹائمزرپورٹ) جماعت اسلامی حلقہ خواتین ضلع چترال کا اجتماع ارکان جامعتہ المحصنات گولدور چترال میں ناظمہ ضلع طاہرہ عبد الرحیم کی زیرِ صدارت منعقد ہوا۔ضلعی ناظمہ نے سورہ توبہ کی آیت 11 تا 18 پر درس میں تجدیدِ عہد پر ارکان سے خطاب کرتے ہوئے کہا کہ یہ عہد ہم عالم ارواح میں اپنے رب سے کر چکے ہیں اور اب اس کی تجدید کر کے اس پر عملاً کام کرنا ہے۔ ورنہ اس عہد کو ایفا نہ کرنے پر اللّٰہ کے عذاب کا مستحق ہو سکتے ہیں۔یہ ضروری نہیں کہ اللّٰہ کا عذاب اندھی،طوفان،زلزلہ اور وبائ امراض کی صورت ہی میں آئے بلکہ یہ بھی اللہ تعالیٰ کا قہر ہے کہ بندے کو نیک کام کرنے کی توفیق نہیں ملتی۔اس لئے ہر انسان کو چاہئے کہ اپنا محاسبہ کرتا رہے۔اس موقع پر گزشتہ ماہ کے پروگراموں کا جائزہ، اعانت کی وصولی،مرکزی شوریٰ حلقہ خواتین جماعتِ اسلامی کے لیے انتخاب رائے دہی اور اہداف کی روشنی میں ارکان سے رپورٹ لی گئ۔
.
بعد ازان ناظمہ ضلع نے ارکان کے مشورے سے ایک تا 20 مارچ یوم خواتین کے حوالے سے منائ جانے والی مہم کے لیے پلاننگ کی اور ارکان کو مختلف ذمہ داری سونپ دی۔ائندہ اجتماع ارکان 7 مارچ کو طے کر دی گئ۔اجلاس کا اختتام محاسبہ و دعا سے ہوا۔


شیئر کریں: