Chitral Times

Dec 1, 2021

ﺗﻔﺼﻴﻼﺕ

کالاش ویلی میں‌جاری کیریک گاڑ(سنوگالف) اختتام پذیر، مہمان خصوصی وزیرزادہ نے انعامات تقسیم کی

Posted on
شیئر کریں:

چترال ( محکم الدین) چترال کے سیاحتی مقام کالاش ویلی بمبوریت میں ایک مہینہ پہلے شروع کیا جانے والا کیریک گاڑ ( سنو گالف) فیسٹول اتوار کے روز اختتام پذیر ہوا ۔ سینکڑوں افراد نے شیخاندہ بمبوریت کے برف سے ڈھکے میدان میں کھیل کا لطف اٹھایا ۔ جس میں شیخاندہ کی ٹیم نے سنسنی خیز مقابلے کے بعد برون ٹیم کو شکست دے کر ٹرافی اپنے نام کر لی ۔ اختتامی میچ کے مہمان خصوصی معاون خصوصی وزیر اعلی خیبر پختونخوا وزیر زادہ تھے۔ جبکہ دیگر سرکاری آفیسران اور پاکستان تحریک انصاف کے کارکنان بھی موجود تھے ۔ وزیر زادہ نے اس موقع پر خطاب کرتے ہوئے کہا ۔ کہ وزیر اعظم عمران خان سیاحت کو ایک انڈسٹری کے طور پر ترقی دینے کی کو شیش رنگ لے آئی ہیں ۔ یہی وجہ ہے کہ برطانوی شہزادہ ولیم و شہزادی کیٹ کےدورہ چترال کی راہ ہموار ہوئی ۔ جس کے بہت مثبت نتائج دنیا کے سامنے آئے ہیں ۔ انہوں نے کہا ۔ کہ سیاحتی مقامات کی ترقی کیلئے ااقدامات کئے جا رہے ہیں ۔ تاکہ سیاحت کو فروغ دے کر روزگار کے مواقع پیدا کئے جا سکیں ۔ انہوں نے چترال کے مختلف پراجیکٹس کی تعمیرکیلئے وزیر اعلی کی طرف سے کئے گئے فنڈ کی منظوری کے حوالے سے حاضرین کو اگاہ کیا ۔ اور کہا ۔کہ معاشی طور پر بد حال خزانہ تحریک انصاف کی حکومت کو ملی ۔ پھر بھی وزیر اعظم کی انقلابی اقدامات کی وجہ سے ملک مشکل حالات سے نکل کر خوشحالی کی طرف روان دوان ہے ۔ انہوں نے کہا ۔ کہ ونٹر سپورٹس فیسٹول میں کریک گاڑ کو خصوصی اہمیت حاصل ہے ۔آیندہ اس کھیل کو کیلنڈر ایونٹ کے طور پر منانے کی کوشش کی جائے گی ۔ انہوں نے کہا ۔ کہ ہندوستان میں اقلیتوں پر قیامت بیت رہی ہے ۔جبکہ پاکستان میں اقلیتیں امن اور سکون کی زندگی گزار رہے ہیں ۔ انہوں نے ہندوستان کی انتہا پسندی کی پر زور مذمت کی ۔ اور کہا ۔ کہ بھارت میں اقلیتوں کی زندگی عذاب بن گئی ہے ۔ قبل ازین شیخاندہ بمبوریت اور برون گاوں کے مابین میچ کا تماشائیوں نے زبردست لطف اٹھایا ۔ تاہم کامیابی شیخاندہ کے حصے میں آئی ۔ مہمان خصوصی وزیر زادہ نے کامیاب شیخاندہ ٹیم کو ایک لاکھ اور رنر اپ برون ٹیم کو پچاس ہزارروپے نقد انعام اور ٹرافی تقسیم کی ۔ انہوں نے شیخاندہ کے دو مساجد کیلئے پانچ لاکھ اور تین لاکھ پچاس ہزار روپے سولر تنصیب کرنے ، مکین جال میں پرائمری سکول اور گرلز پرائمری سکول اور نہر و پائپ لائن کی تعمیر کااعلان کیا ۔

kalash valley crack gal snow golf scaled
kalash valley crack gal snow golf3 scaled

kalash valley crack gal snow golf2 scaled

kalash snow sports8
kalash snow sports9


شیئر کریں: