ٹرانسپورٹ کرایو‌ں میں‌کمی کا اعلان، پشاورسے چترال 500 روپے فی مسافرمقرر

کرایوں میں کمی وزیر اعظم عمران خان کے وژن کے مطابق عوام کو فوری ریلیف دینے کی خاطر کی گئی ہے۔ملک شاہ محمد وزیر
.
پشاور(چترال ٹائمزرپورٹ‌) خیبرپختونخوا کے وزیر ٹرانسپورٹ ملک شاہ محمد وزیر کی سفارشات پرصوبائی ٹرانسپورٹ اتھارٹی نے کرایوں میں کمی کا اعلامیہ جاری کردیا اور سیکریٹری پی ٹی اے کے مطابق صوبے کے مختلف شہروں کے مابین اور اندرون شہرڈیزل سے چلنے والی مسافر گاڑیوں کے کرائے میں تقریباً 4.2فیصد کمی کا اعلان کر دیا گیا ہے صوبائی وزیر ٹرانسپورٹ ملک شاہ محمد وزیر کے مطابق کرایوں میں کمی کا اعلان وفاقی حکومت کی جانب سے ڈیزل کے نرخوں میں کمی کے تناسب سے کیا گیا ہے انہوں نے کہا کہ کرایوں میں کمی کا مقصد عوام کو فی الفور ریلیف وزیر اعظم عمران خان کے ویژن کے مطابق دینا ہے صوبائی ٹرانسپورٹ اتھارٹی کے جاری کیے گئے اعلامیے کے مطابق فلائنگ کوچز/منی بس1.37 روپئے اے سی بس 1.57عام بس 1.22 اور لگژری بس 1.32 روپے فی کلو میٹر فی مسافر کرایہ مقرر کیا گیا ہے اعلامیہ کے مطابق پشاور سے کوہاٹ 65 کلومیٹر کیلئے فلائنگ کوچز 89 اے سی بس102عام بس 79روپے لگژری بس 85 کرایہ فی مسافر مقرر کیاگیا ہے اس طرح پشاور سے بنوں 195 کلومیٹر کیلئے فلائنگ کوچز 267اے سی بس306 عام بس 237 روپے لگژری بس 257روپئے کرایہ فی مسافر وصول کیا جائے گا اور پشاور سے ڈیرہ 320 کلومیٹر کیلئے فلائنگ کوچز 438اے سی بس502 عام بس 390 روپے لگژری بس 422روپئے کرایہ فی مسافر مقرر ہے اور پشاور سے ہریپور 156 کلومیٹر کیلئے فلائنگ کوچز 214اے سی بس245 عام بس 190 روپے لگژری بس 206روپئے کرایہ فی مسافر مقرر کیا جاچکا ہے اعلامیے کے مطابق پشاور سے ایبٹ آباد 195 کلومیٹر کیلئے فلائنگ کوچز 267اے سی بس306 عام بس 237 روپے لگژری بس 257روپئے کرایہ فی مسافر مقرر کیا گیا ہے اور پشاور سے مانسہرہ 221 کلومیٹر کیلئے فلائنگ کوچز 303اے سی بس347 عام بس 270 روپے لگژری بس 292روپئے کرایہ فی مسافر مقرر ہے پشاور سے مردان 58 کلومیٹر کیلئے فلائنگ کوچز 79اے سی بس91 عام بس 71 روپے لگژری بس 77روپئے کرایہ فی مسافر کیا گیا ہے اور پشاور سے ملاکنڈ 118 کلومیٹر کیلئے فلائنگ کوچز 162اے سی بس185 عام بس 144 روپے لگژری بس 156روپئے کرایہ فی مسافر مقرر ہے اور پشاور سے منگورہ 172 کلومیٹر کیلئے فلائنگ کوچز 236اے سی بس270 عام بس 210 روپے لگژری بس 227روپئے کرایہ فی مسافر مقرر کیا گیا ہے پشاور سے دیر 250کلومیٹر کیلئے فلائنگ کوچز 342اے سی بس392 عام بس 305 روپے لگژری بس 330روپئے کرایہ فی مسافر وصول کیا جائے گا اور پشاور سے چترال 365کلومیٹر کیلئے فلائنگ کوچز 500اے سی بس573 عام بس 445 روپے لگژری بس 481روپئے کرایہ فی مسافر مقرر کیاگیا ہے اور پشاور سے چارسدہ 27 کلومیٹر کیلئے فلائنگ کوچز 37اے سی بس42 عام بس 33 روپے لگژری بس 36روپئے کرایہ فی مسافر وصول کیا جائے گا مزید برآں دینی مدارس اور تعلیمی اداروں کے طلباء، نابینا اور دیگر معذور افراد اور 60 سال سے زائد عمر کے بزرگ افراد کیلئے اصل کرایوں پرموجودہ پچاس فیصد/ نصف رعایت جاری رہے گی۔ جبکہ گاڑی میں اے سی سسٹم کام نہ کرنے کی صورت میں ڈیلکس سٹیج کیرج کا کرایہ وصول کیا جائیگا۔