Chitral Times

Apr 15, 2021

ﺗﻔﺼﻴﻼﺕ

پاک فوج کے چھ افسران کی لیفٹنٹ کرنل کے عہدوں‌پرترقی..اظہار مسرت…. شمسیار خان

شیئر کریں:

میں اپنی اور اپنے پورے خاندان کی جانب سے نشیبی اور بلائی چترال سے تعلق رکھنے والے پاک آرمی کے چھے جوانوں : میجر عمران جغور ،میجر علی سرور ، میجر سللطان علی ، میجر شمس الحق ، میجر احسان اور میجر مظہر بالترتیب بونی ، چرون اویر ، بلیم اور تورکہو کو میجر رینک سے لفٹننٹ کرنل کی اعلیٰ قیادت کے عہدوں پر پہنچنے پر مبارکباد پیش کرتا ہوں ۔ چترال سے پاکستان کے اعلیٰ ادارہ ، پاک آرمی، میں ہمارے چھے بچوں کا ایک ساتھ کرنل کے عہدوں تک پہنچنا ہم سب کےلئے اعلیٰ اعزاز کی بات ہے ۔ فوج میں ایک عہدے سے ترقی پاکر دوسرے عہدے تک پیہنچنے کا سفر محنت طلب اور صبر طلب کام ہے ۔ ہم ان جوانوں کی سخت محنت کو سلام پیش کرتے ہیں ۔ چترال اور خاص کر اپر چترال پاکستان کا ایک چھوٹا سا دور افتادہ علاقہ ہے لیکن الحمد لللہ شکر کہ پاکستان آرمی میں ہمارے نو جواں بریگئڈئر جیسے اعلیٰ عہدوں تک بھی پہنچ گئے ہیں اس کے عللاوہ یہاں کے ہمارے جواں سوال سروس کی مشکل آزمائش سے گزر کر سکریٹری اور آئی جی کے عہدوں تک پہنچ کے پاکستان کی خدمت کر رہے ہیں۔ میں اس موقعے پر اپنی آنے والی نسل کو یہ تاکید کرنا چاہوں گا کہ ہمارے پاس افواج پاکستان اور اعلیٰ سول سروس جیسے دو اہم شعبے ہیں جن میں جانے کے بعد ہماری نسل قوم کا سرمایہ بن سکتی ہے ۔ ہم سکول کے اساتذہ سے بھی یہی گزارش کریں گے کہ اُن کی نظر میں اگر کوئی بچہ/ بچی ایسی صلاحیتوں سے بھر پور ہوں جوکہ انہیں اعلیٰ سول سروس اور فوج کی طرف راہنمائی کرتی ہوں تو اُن صلاحیتوں کو ہر ممکن پروان چڑھانے کی کوشش کریں ۔
.
موقعے سے فائدہ آٹھا تے ہوئے میں اپنے ہونہار نونہال ضیا السلام ولد اسلام الدین بونی ٹیک لشٹ کی فارمن کرسچن یونیورسٹی لاہور کے ماحولیاتی سائنس کے شعبے میں ایم فل کا امتحان امتیازی نمبروں سے پاس کر کے سونے کا طمغہ حاصل کرنے اور ہم سب کا سر فخر سے اونچا کرنے پر دل کی اتھاہ گہرائیوں سے پورے اپر چترال کو مبارکباد پیش کرتا ہوں ۔ تعلیم اور معیاری تعلیم ہی ہے جو کہ ہماری ترقی کی ضامن ہے ۔ میں ضیا السلام کو شاباش کے ساتھ اُن کے درخشاں مستقل کے لیے اللہ رب العزت سے بدست دعا ہوں ۔

..
.
شمسیار خان بونی ٹیک لشٹ
حال اسلام آباد


شیئر کریں: