Chitral Times

Mar 29, 2024

ﺗﻔﺼﻴﻼﺕ

دریائے چترال سے نامعلوم خاتون کی مسخ شدہ لاش برآمد،ڈی ایچ کیوہسپتال منتقل

شیئر کریں:

چترال (نمائندہ چترال ٹائمز) ایون اور اورغوچ گاوں کے درمیان واقع چیلم کے مقام پر دریائے چترال کے کنارے ایک نامعلوم خاتون کی مسخ شدہ لاش برآمد ہوئی ہے ۔ پولیس اور ریسکیو 1122کو اطلاع ملنے پر موقع پر پہنچے ۔ اور لاش کو دریا سے نکالا ۔ ذرائع کے مطابق لاش کافی پرانی ہے ۔ جو دریا میں پڑے رہنے کی وجہ سے مسخ ہو چکی ہے ۔ مسخ شدہ لاش کو ریسکیو 1122 کی ایمبولینس میں ڈی ایچ کیو ہسپتال چترال منتقل کیا گیا ہے ۔ اور ورثاء کی تلاش جاری ہے ۔ فی الحال یہ معلوم نہیں ہو سکی ہے ۔ کہ خاتون کی ہلاکت کیونکر ہوئی ۔ تاہم چترال میں خودکشی کے واقعات ہوتے رہےہیں ۔ اور بعض اوقات قتل کے واقعات کو خودکشی کا رنگ بھی دیا جاتا رہا ہے ۔
women death body recovered from river chitral 2 scaled


شیئر کریں: