Chitral Times

Apr 16, 2024

ﺗﻔﺼﻴﻼﺕ

علامہ اقبال اوپن یونیورسٹی ریجنل سنٹر چترال میں سمسٹر بہار 2020 کے داخلوں کا اعلان

Posted on
شیئر کریں:

چترال (چترال ٹائمزرپورٹ)علامہ اقبال اوپن یونیورسٹی ریجنل سنٹر چترال میں سمسٹر بہار 2020 کے داخلوں کا آغاز15 جنوری سے ہوگیا ہے۔ اس کا اعلان ریجنل ڈائریکٹر شفاعت الرحمن نے چترال ٹائمزڈاٹ کام سے گفتگو کر تے ہوئے کیا۔ ان کے مطابق اس سمسٹر میں مختلف پروگرامز میں میٹرک سے لے کر پی۔ ایچ۔ ڈی تک داخلے کئے جائیں گے۔ اس سمسٹر میں پیش کئے جانے والے پروگرامز تین مراحل میں پیش کئے جائیں گے۔ جن میں پہلے مرحلے میں 15 جنوری 2020 تا 20 فروری 2020 تک میٹرک / میٹرک درس نظامی، انٹر میڈیٹ جنرل / انٹرمیڈیٹ درس نظامی، آئی کام اور مختلف شارٹ کورسس شامل ہیں۔ دوسرے مرحلے کا آغاز 1 مارچ 2020 سے ہوگا۔ جس میں اوپن اینڈ ڈسٹنس لرننگ کی بنیاد پر مختلف گریجویٹ اور پوسٹ گریجویٹ لیول پروگرامز آفر کئے جائیں گے۔ اس مرحلے میں چترال کی عوام کے خواہشات کو مد نظر رکھتے ہوئے خاص طور پر بی۔ایس (چار سالہ) پروگرام میں ہیلتھ اینڈ فزیکل ایجوکیشن کا پروگرام بھی شامل کیا گیا ہے۔ دیگر آفر کئے جانے والے پروگرامز میں بی ایڈ پروگرام، بی ایس اکاؤنٹنگ اینڈ فنانس، بی ایس پاکستان سٹڈیز، بی اس اسلامک سٹڈیز، ایم ایڈ پروگرامز، ایم اے پروگرامز جس میں ایم اے ای پی ایم ڈسٹنس اینڈ نان فارمل ایجوکیشن، ٹیچر ایجوکیشن، سپیشل ایجوکیشن، ٹافل، لائیبری سائنس، ہسٹری ایڈمنسٹریٹیو سائنس اور ایم کام شامل ہیں۔ جبکہ ایم ایس سی ماس کمیونیکیشن اور ایم اس سی سوشیالوجی بھی اسی مرحلے میں پیش کئے جارہے ہیں۔ داخلے کا دوسرا مرحلہ 15 اپریل تک جاری رہیگا۔ تیسرے مرحلے میں مختلف فیس ٹو فیس پروگرام آفر کئے جائیں گے۔ جس میں مختلف بی ایس پروگرام شامل ہیں۔ اس مرحلے میں پیش کئے جانے والے پروگرامز میں خاص طور پر ایم فل ایجوکیشن اور پی ایچ ڈی ایجوکیشن کے پروگرامزشامل ہیں۔ یہ مرحلہ 16 جنوری سے 1 فروری تک جاری رہیگا۔
داخلے کے خواہشمند حضرات علامہ اقبال اوپن یونیورسٹی کی ویب سائٹ (https://www.aiou.edu.pk)سے داخلہ فارمز ڈاؤن لوڈ کرسکتے ہیں یا ریجنل سنٹر علامہ اقبال اوپن یونیورسٹی مستوج روڈ نزد گرین گودام دنین چترال سے داخلہ فارمز حاصل کریں۔ تمام جاری طلباء و طالبات اپنا فارم یونیورسٹی کی ویب سائٹ سے حاصل کر کے اپنا داخلہ جمع کروائیں گے۔ نئے داخلہ لینے والے طلباء و طالبات اپنی داخلہ فیس مجاز بنکوں کی شاخوں میں جمع کروا کر اپنے داخلہ فارمز کو پاکستان پوسٹ کے ذریعے شعبہ داخلہ علامہ اقبال اوپن یونیورسٹی اسلام آباد کو ارسال کر دیں گے۔


شیئر کریں:
Posted in تازہ ترین, جنرل خبریں, چترال خبریںTagged
31205