مستوج لاسپورروڈ سے برف ہٹانے کا کام شروع کردیا گیا، اپرانتظامیہ کا شکریہ ..محمد شفیع
بونی (چترال ٹائمزرپوٹ ) حالیہ شدید برفباری کے بعد اپرچترال کے تمام سڑکیں بند ہوگئی تھیں جن میں متعدد سڑکیںکھول دی گئیں جبکہ بعض پر کام جاری ہے . محکمہ سی اینڈ ڈبلیو اپر چترال بونی مستوج روڈ کھولنے کے بعد مستوج لاسپورروڈ پر ہیوی مشینری پہنچاکر کام شروع کردیا ہے جہاںمختلف مقامات پر برفانی تودہ گرنے سے بند ہے . جبکہ اس سے پہلے چترال بونی، بونی موڑکھو اور بونی کے اندر کے روڈوں سے برف ہٹا کر ٹریفک بحال کر دی گئی۔دوسرے مرحلے میں بونی تورکھواور بونی مستوج کے دشوارگزار راستوں سے برف ہٹا دی گئ جبکہ مستوج بروغل روڈ پر کام جاری ہے .
دریں اثنا تجار یونین بازار بونی کے صدر محمد شفیع نے محکمہ سی اینڈ ڈبلیوکے جملہ اسٹاف اور خصوصاً ایکسین ریاض ولی شاہ کے ساتھ ساتھ ضلعی انتظامیہ خصوصاً ایڈیشنل ڈپٹی کمشنر اپر چترال محمد عرفان الدین کو خراج تحسین پیش کرتے ہوئے کہا ہے کہ ائیندہ بھی عوامی مفاد کے کاموں میں اسی طرح دلچسپی لیتے رہیںگے جو جنگی بنیادوںپر کام کرتے ہوئے سڑکیں کھول دیں۔ اور ساتھ تجار یونین بونی اپر چترال ار۔ای پیڈو کا بھی شکر گزار ہے کہ قلیل مدت میں بجلی کے نظام کو درست کرکے علاقے میں بجلی بحال کرکے علاقے کی ایک اور مشکل اسان کر دی۔ تجار یونین بونی اپر چترال ان تمام اداروں کے کارکردگی کو قدر کی نگاہ سے دیکھتی ہے۔اور ان کا شکریہ ادا کرتی ہے