فنی تعلیمی بورڈ پشاورنے ڈی آئی ٹی امتحان 2020کے شیڈول کا اعلان کردیا

پشاور(چترال ٹائمزرپورٹ‌)‌ خیبر پختونخوا فنی تعلیمی بورڈ پشاور نے ڈپلومہ ان انفارمیشن ٹیکنالوجی (DIT)فرسٹ ٹرم امتحان 2020کے انعقاد کیلئے شیڈول جاری کر دیا ہے۔ تفصیلات کے مطابق ایک سالہ ڈپلومہ ان انفارمیشن ٹیکنالوجی (DIT)فرسٹ ٹرم امتحان 2020، 19فروری 2020سے شروع ہوں گے۔اس سلسلے میں مذکورہ بورڈ کے شعبہ امتحانات میں امتحانی داخلہ فارم اور فیس جمع کرانے کیلئے آخری تاریخوں کا اعلان بھی کر دیا گیا ہے۔ جس کے تحت مذکورہ امتحان کیلئے امتحانی فیس اور داخلہ فارم کا نارمل فیس کیساتھ 07جنوری 2020تک، لیٹ فیس کے ساتھ 10جنوری، دگنی فیس کیساتھ15جنوری تک اور تین گنا فیس کے ساتھ 22جنوری 2020 تک جمع کرائے جا سکتے ھیں۔ نا مکمل اور موٗخر الذکر آخری تاریخ کے بعد کسی بھی امتحان داخلہ فارم پر غور نہیں کیا جائے گا۔