Chitral Times

Mar 29, 2024

ﺗﻔﺼﻴﻼﺕ

کور کمانڈر پشاور لیفٹینٹ جنرل شاہین مظہر محمود کا مالم جبہ کا دورہ

Posted on
شیئر کریں:

Adventure پارک کا افتتاع۔سکی سکول۔سیمسنز ٹرسٹ ہاسپٹل کا سنگ بنیاد رکھا۔
مقبوضہ کشمیر،سابق قبائلی علاقہ جات اور سوات کے طلباء و طالبات کی شرکت۔

سوات (چترال ٹائمزرپورٹ ) کور کمانڈر پشاور لیفٹینٹ جنرل شاہین مظہر محمودنے مالم جبہ کا دورہ کیا۔جہاں انھوں نے میجک ماؤنٹین ایڈوینچر پارک کا افتتاع اور سیمسنز سکی سکول اورہسپتال کا سنگ بنیاد بھی رکھا۔اس موقع پر جی او سی مالاکنڈ ڈویژن میجر جنرل محمد اعجاز مرزا،ایم این اے ڈاکٹر حیدر خان،معززین و عمائدین علاقہ،سیمسنز کمپنی کے عہدے داران اور سول و ملٹری افسران موجود تھے۔
.
علاوہ ازین مقبوضہ کشمیر،سابق قبائلی علاقہ جات اور سوات کے طلباء و طالبات کی کثیر تعداد بھی اس موقع پر شریک تھی۔اس موقع پر کور کمانڈر پشاور لیفٹینٹ جنرل شاہین مظہر محمود نے خطاب کرتے ہوئے کہا کہ اس منصوبے سے مالم جبہ کی عوام کو بہت فائدہ ہو گا۔سیاحت کو فروغ ملے گا اور مقامی افراد کو روزگار کے ساتھ ساتھ طبعی سہولتوں سے بھی استفادہ ہو گا۔انھوں نے کہا کہ سوات میں پائیدار امن کے قیام کے بعد سب سے بڑا چیلنج ماحو لیات کا تحفظ ہے جس سے سوات اور مالم جبہ کے عوام کا مستقبل وابستہ ہے۔اس موقع پر کور کمانڈرکی ہدایت پر مقبوضہ کشمیر،سابق قبائلی علاقہ جات اور سوات کے تقریبا 200 طلباء وطالبات بھی موجود تھے۔ کور کمانڈر طلباء میں گھل مل گئے مختلف موضوعات پر بات چیت کی۔اس موقع پر مقبوضہ کشمیر کے طلباء نے کور کمانڈر سے بات کرتے ہوئے کہا کہ پاکستان ہمارا ملک ہے اور ہمیں پاکستان سے دنیا کی کوئی بھی طاقت جدا نہیں کر سکتی۔طلباء نے بے پناء مسرت کا اظہار کرتے ہوئے کورکمانڈر کا شکریہ ادا کیا کہ انھوں نے طلباء کی تفریح کے لیے اتنے اچھے اقدامات کیے۔نوجوان طلباء کے اس گروپ نے واپسی پر سوات کے دیگر سیاحتی مقامات بشمول سوات میوزیم اور وائٹ پیلس کا دورہ بھی کیا۔
corp comndr 11core lt gen mazhar abbas visit malamjabba 3

corp comndr 11core lt gen mazhar abbas visit malamjabba 2


شیئر کریں: