جی ڈی لینگ لینڈ سکول اینڈ کالج کا صرف ژانگ بازار سیکشن پیرکے دن کھلے گا..ڈپٹی کمشنر
چترال (نمائندہ چترال ٹائمز) جی ڈی لینگ لینڈ سکول اینڈ کالج کا ژانگ بازارسیکشن پیر کے روز سے دوبارہ کھلے گاجو کہ گزشتہ ہفتے کشیدہ حالات کے باعث بند کردئیے گئے تھے۔ ڈپٹی کمشنر چترال لویر نوید احمد نے میڈیا کو بتایاکہ سکول کے پرنسپل مس کیری نے سکول کے مختلف سیکشنوں کو مرحلہ وار کھولنے کا فیصلہ کیا ہے جس کے مطابق پیر کے دن صر ف ژانگ بازار سیکشن کھلے گا جبکہ سینگور اور دولومچ کا مین سیکشن آئندہ چند دنوں میں کھول دئیے جائیں گے۔
دریں اثنا والدین کا ایک اہم اجلاس مقامی ہوٹل میںجاری ہے جس میں اس مسئلے کو حل کرنے کی کوشش اورآئندہ کا لائحہ عمل طے کیا جائیگا.