پی۔پی۔پی اپر چترال کے عہدہ داران کی تنظیم سازی اوربلدیاتی انتخابات حوالے اجلاس

بونی (چترال ٹائمزرپورٹ ) پی۔پی۔پی اپر چترال کے عہدہ داران کا ایک اہم اجلاس بدھ کے دن یوتھ کونسلر صاحب گار ہاؤس میں زیر صدارت پارٹی صدر اپر چترال امیر اللہ منعقد ہوا۔ اجلاس کا ایجنڈا آنے والے بلدیاتی انتخابات کی تیاریاں اور تنظیم سازی کے حوالے سے تھا۔ اجلاس میں فیصلہ کیا گیا کہ بلدیاتی انتخابات کے حوالے سے تحصیل نظامت کے لیے پارٹی کے خواہشمند حضرات اپنے کاغذات 10 ستمبر تک صدر اپر چترال امیر اللہ کے پاس جمع کروائیں۔ تنظیم سازی کے حوالے سے فیصلہ کیا گیا کہ ضلعی کیبنٹ ویلج اور یو۔سی لیول پر تنظیم سازی کے حوالے سے مختلف یوسیز اور ویلجز کا دورہ کرے گی اور اسکے بعد تنظیم سازی کی جائے گی۔ اس سلسلے میں عنقریب ایک اور میٹنگ ضلعی صدر امیر اللہ کے گھرمیں منعقد کی جائے گی۔