Chitral Times

May 13, 2021

ﺗﻔﺼﻴﻼﺕ

سابق ایم این اے کے فنڈز سے تعمیر شدہ منصوبوں‌کے بقایاجات فوری اداکی جائے…متاثرین

شیئر کریں:

چترال (نمائندہ چترال ٹائمز ) سابق ممبر ڈسٹرکٹ کونسل یارخون رحمت ولی ، سابق ممبر ڈسٹرکٹ کونسل مستوج غلام مصطفی ، سابق ناظم یو سی کھوت عمران علی شاہ ، سفیراللہ ، خلیل احمد ، صاحب نادر ، بہادر ولی ، عبد الولی ، محمد عالم اور ایوب جان و دیگر نے چترال پریس کلب میں‌ایک پریس کانفرنس سے خطاب کرتے ہوئے چیف جسٹس آف پاکستان ، چیرمین نیب ، وزیر اعلی خیبر پختونخوا اور وفاقی حکومت سے مطالبہ کیا ہے ۔ کہ پاک پی ڈبلیو ڈی کے ٹھیکہ دار ثنا اللہ اینڈ کمپنی سے اُن کے بقایاجات فوری طور پر اُنہیں دلوا یا جائے ۔ جو 2017 میں ایم این اے شہزادہ افتخار الدین کے 20کروڑ روپے کے فنڈ میں سے مکمل کئے گئے سکیموں کے بقایا جات ہیں ۔ انہوں نے کہا ۔ کہ سابق ایم این اے شہزادہ افتخار الدین نے چترال کے مختلف سکیموں جن میں واٹر سپلائی سکیمز ، روڈز ، پُل ، حفاظتی بند اور ایریگیشن چینلز وغیرہ شامل تھے ۔ پاک پی ڈبلیو ڈی کے ٹھیکہ دار ثنا اللہ اینڈ کمپنی کے ذریعے باقاعدہ معاہدے کے تحت یہ اسکمیں اپنے بھائی شہزادہ خالد پرویز کی موجودگی میں میں الاٹ کیں ۔ اور ہم نے انتہائی دیانتداری سے نہ صرف یہ سکمیں مکمل کئے ۔ بلکہ اضافی کام بھی کئے ہیں ۔ لیکن کام مکمل ہوئے کئی عرصہ گزرنے کے باوجود ابھی تک ٹھیکہ دار کی طرف سے اُنہیں آدئیگیاں نہیں ہوئی ہیں ۔ جبکہ مزدور وں نے اپنی اجرت کے حصول کیلئے اُن کی زندگی اجیرن بنا دی ہے ۔ انہوں نے کہا ۔ کہ پاک پی ڈبلیو ڈی کے ایکسین ، ایس ڈی او اور ٹھیکہ دار ثنا اللہ نے ورک ڈن کے مطابق آدائیگی کی یقین دھانی کی تھی ۔ اب اُن سے رقم کا مطالبہ کرنے پر وہ ایم این اے شہزادہ افتخار الدین اور اُن کے بھائی شہزادہ خالد پرویز کی موجودگی میں کوئی فیصلہ کرنے کی بات کر رہے ہیں ۔ جبکہ شہزادہ افتخار اور شہزادہ خالد پرویز ٹھیکہ دار کے ساتھ بیٹھ کر فیصلہ کرنے کیلئے تیار نہیں ۔ انہوں نے کہا ۔ کہ پاک پی ڈبلیو ڈی کے زیر نگرانی ٹھیکہ دار نے مختلف واٹر سپلائی سکیموں کیلئے جو پائپ فراہم کئے وہ انتہائی ناقص اور غیر معیاری ہیں ۔ اور اس میں بڑے پیمانے پر کرپشن ہوا ہے ۔ جس میں پاک پی ڈبلیو ڈی اور ٹھیکہ دار ثناء اللہ اینڈ کمپنی ملوث ہیں ۔ جن کی نیب کی طرف سے باقاعدہ انکوائری ہونی چاہیے ۔ انہوں نے کہا ۔ کہ انہوں نے اپنے ذمے کا کام انتہائی دیانتداری کے ساتھ انجام دیا ہے ۔ لیکن مکمل شدہ ان سکیموں کا پیسہ ٹھیکہ دار ثنا اللہ ، شہزادہ خالد پرویز اور پاک پی ڈبلیو ڈی کے درمیان غائب ہوا ہے ۔ جو ابھی تک اُنہیں نہیں دی گئی ۔ انہوں نے بقایاجات کی فوری ادائیگی کا مطالبہ کرتے ہوئے کہا کہ شنوائی نہ ہونے کی صورت میں‌وہ وزیراعظم ہاوس اسلام آباد اور وزیراعلیٰ‌ہاوس پشاورکے سامنے دھرنا دیں‌گے.


شیئر کریں: