عوامی مسائل اورشکایات کوعوام کی دہلیزپرحل کرنا ہماری اولین ترجیح ہے..نویداحمدڈپٹی کشمنر
چترال (نمائندہ چترال ٹائمز) ڈپٹی کمشنر لوئر چترال نوید احمد نے کہا ہے کہ عوامی مسائل اور شکایات کو عوام کی دہلیز پر حل کرنا ضلعی انتظامیہ کی اولین ترجیح ہے اور اس مقصد کے لیے ضلع کے دور دراز علاقوں میں کھلی کچہریوں کا انعقاد کیاجارہاہے ان خیالات کا اظہار انہوں نے جمعہ کے روز بمبوریت چترال میں منعقدہ کھلی کچہری سے خطاب کرتے ہوئے کیا۔کھلی کچہری میں انتظامیہ کے افسران کے علاوہ تمام سرکاری محکموں کے ضلعی سربراہوں نے شرکت کی۔کھلی کچہری میں علاقے کے لوگوں نے مختلف اجتماعی و انفرادی درپیش مسائل و مشکلات کے بارے میں ڈپٹی کمشنر کو تفصیل سے آگاہ کیا۔بعض مسائل کو موقع پر حل کرنے کے لیے ڈپٹی کمشنر نے متعلقہ محکموں کے افسران کو ہدایت جاری کی۔ڈپٹی کمشنر نے علاقے کے لوگوں کو یقین دلایا کہ انکے جملہ مسائل اور مشکلات کو حل کرنے کے لیے متعلقہ حکام سے رابطہ کیا جائیگا۔علاقے کے لوگوں نے کھلی کچہری میں عوامی مسائل سنے اور ان کے حل کرنے کی یقین دہانی کرانے پر ضلعی انتظامیہ کا شکریہ ادا کیا۔
دریںاثنا ڈپٹی کمشنرلوئیرچترال نوید احمد نے انتظامیہ کے دیگرذمہ داروںکے ہمراہ کالاش قبیلے کی مشہورتہوار اوچال میںبھی شرکت کی . اورکالاش کمیونٹی کے مسائل سنے .
ایم پی اے چترال وزیر زادہ کے ہمراہ کالاش قاضیوں میں اوچال فیسٹیول کے موقعہ پر الاؤنس تقسیم کیے۔ ایڈیشنل ڈپٹی کمشنر چترال ذاکر حسین جدون بھی موجود تھے اس موقعہ پر کیلاش قاضیوں نے اپنے مسائل بیاں کئے اور ڈپٹی کمشنر چترال نے ان کے مسائل حل کرانے کی یقین دہانی کرائی.
