Chitral Times

Dec 14, 2019

ﺗﻔﺼﻴﻼﺕ

  • بونی، نصرگول اوربریپ میں موسلادھار بارش سےکھڑی فصلوں‌کو نقصان ، پانی رہائشی مکانات میں‌داخل

    August 11, 2019 at 5:58 pm

    چترال ( نمائندہ چترال ٹائمز )اتوار کی علی الصبح اپر چترال کے ہیڈ کوارٹر بونی, نصرگول اور بالائی بریپ میں مسلادھار بارش ہوئی . جس کے نتیجے میں بونی کروئی جنالی میں محمد زمان کا گھر سیلابی ملبے سے بھر گیا . اورقریبی زمینات اور مکئی کی فصلوں اور باغات کو نقصان پہنچا . سیلاب سے نصر گول پرواک اور بریپ میں روڈ بند ہونے سے مستوج , لاسپور , شندور اور بروغل کا رابطہ منقطع ہو چکا ہے . اور عید کی چھٹیوں پر گھر جانے والے مسافر راستے میں پھنس کر رہ گئے ہیں . جن میں خواتین اور بچوں کی بہت بڑی تعداد موجود ہے . سیلاب نے پرواک چینل کو بھی نقصان پہنچایا ہے . جس پر بہت بڑی آراضی کے سیراب کا انحصارہے .سیلاب نے نہر کےہیڈ کو بری طرح متاثر کیا ہے. اب اس کی بحالی حکومتی امداد کے بغیر صرف اپنی مدد آپ کےتحت ہونا ممکن نہیں . اسی طرح بریپ کے مقام پر بھی سیلاب نے روڈ بند کر دی ہے , اور یارخون , بروغل کے باشندوں کا رابطہ مستوج اور بونی وغیرہ شہروں سے منقطع ہو چکا ہے . گذشتہ دن سے چترال کے مختلف مقامات میں بارشوں کا سلسلہ شروع ہو چکا ہے . اور اس کے نتیجے میں سیلاب نے چترال کا رخ کر لیا ہے . سیلاب سے اگرچہ کوئی جانی نقصان نہیں ہوا. تاہم سڑکوں, گھروں اور فصلوں و باغات کو نقصان پہنچاہے . اور یہ سلسلہ جاری ہے . اخری اطلاع تک چترال مستوج روڈ ٹریفک کیلئے کھول دیا گیاہے . تاہم بریپ کے مقام پرکام جاری ہے .

  • error: Content is protected !!