Chitral Times

Aug 23, 2019

ﺗﻔﺼﻴﻼﺕ

  • پی ٹی سی ایل فائبرآپٹیک کیبل کی کھدائی سے متاثرہ سڑکوں‌کی فوری بحالی کا مطالبہ

    August 3, 2019 at 10:54 pm

    بونی (چترال ٹائمزرپورٹ) تحریک حقوق عوام اپر چترال کے سیکریٹری انفارمیشن پرویز لال نے کہا ہے کہ گزشتہ دنوں پی۔ٹی۔سی۔ایل ایکسچینجز کی اپ گریڈیشن کیلئے فائبر آپٹکس کی لائنیں بچھانے کیلئے اپر چترال کے تمام روڈز بشمول چترال بونی روڈ، بونی تورکہو، بونی مستوج اور موڑکھو روڈز کا بیڑہ غرق کردیا گیا۔ جاری ایک پریس ریلیز میں کہا ہے کہ کھدائی کے بعد مناسب بھرائی کاکام نہ ہونے کی وجہ سے جگہ جگہ گڑھے پڑے ہوئے ہیں۔وقت گزرنے اور بارشوں کے بعد روڈز کی حالت مزید خراب ہوچکی ہے اور خدانخواستہ کسی بڑے حادثے کا سبب بن سکتا ہے۔ انھوں‌نے مذید کہا ہے کہ اس سلسلے میں تحریک حقوق عوام اپر چترال نے کئی مرتبہ متعلقہ اداروں کو آگاہ کیا اور جلسوں اور قراردادوں کے زریعے اپنا احتجاج ریکارڈ کروایا۔ اس سلسلے میں مارچ کے مہینے میں ایس۔ڈی۔او سی اینڈ ڈبلیو طارق نے تحریک حقوق عوام کے عہدہ داران اور عوامی نمائندوں کے ساتھ اپنی نشست میں اس بات کا اعتراف کیا تھا کہ پی۔ٹی۔سی۔ایل کی طرف سے سی اینڈ ڈبلیو کو پیسے ادا کیے جاچکے ہیں اور ہم عنقریب چترال۔بونی روڈ سمیت اپر چترال کے تمام روڈز کی صفائی اور بھرائی کاکام تسلی بخش طریقے سے کریں گے لیکن 4 مہینے گزرنے کے باوجود کوئی کام نہیں کیا گیا۔ اس کے علاوہ بھی چترال بونی روڈ کی مرمت کے لیے فنڈز ریلیز ہوکر ٹینڈر کے بعد ٹھیکہ دار کو دیا جاچکا ہے لیکن کافی عرصہ گزرنے کے باوجود کام شروع نہ ہونا سمجھ سے بالاتر ہے۔ مندرجہ بالا حقائق کی روشنی میں تحریک حقوق عوام اپر چترال متعلقہ اداروں، مجاز افسران اور ٹھیکہ دار سے گزارش کرتی ہے کہ روڈ کی مرمت اور بھرائی کے کام کو جلد از جلد شروع کرنے میں اپنا کردار ادا کریں تاکہ کسی ممکنہ حادثے سے بچا جاسکے۔ اگر فوری طور پر کام کا آغاز نہ کیا گیا تو تحریک حقوق عوام اپر چترال کے پلیٹ فارم سے زبردست احتجاجی مظاہرہ کیا جائے گا۔







  • error: Content is protected !!