Chitral Times

Nov 21, 2019

ﺗﻔﺼﻴﻼﺕ

  • آل ٹیچرز ایسوسی ایشن کے انتخابات کیلئے اپراورلوئیر چترال کے اُمیدواروں کے ناموں کا اعلان

    July 3, 2019 at 11:01 pm

    چترال (نمائندہ چترال ٹائمز)آل ٹیچرزایویسی ایشن چترال کے ضلعی صدرہیڈماسٹرضیاء الدین اورجنرل سیکرٹری نورالہادی نے چترال پریس کلب میں ایک پریس کانفرنس سے خطاب کرتے ہوئے صوبہ خیبرپختونخوامیں 26ستمبر2019کوہونے والے انتخابات کے لئے ضلع اپرچترال اورلوئرچترال کے اُمیدواروں کے ناموں کاباقاعدہ اعلان کیا۔جس میں نامزاُمیدواربرائے صدرلوئر چترال ایس ایس ٹی ٹیچر ایون حاجی خالد ظفر،جنرل سیکرٹری ایس ڈی ایم ٹیچر چمرکن نذیراحمد،صدراپرچترال ایس سی ٹی ٹیچر شیرمحمددین جنرل سیکرٹری سی ٹی ٹیچر عبدالجاوید اورسب ڈویژن چترال کے صدرات کے لئے ایس ایس ٹی ٹیچرعبدالحفیظ خان کے نام شامل ہے۔اس طرح چترال کے چھ تحصیلوں کی صدرات وجنرل سیکرٹری کے اُمیدواروں کی نامزدگی زیرمشاورت ہے جن کااعلان چندروزمیں کیاجائے گا۔انہوں نے کہاکہ تنظیم اساتذہ پاکستان وطن عزیزکے معماران قوم کی ایک نظریاتی واصلاحتی تنظیم ہے جوکہ 1969سے اساتذہ کرام کوانکی پیشہ وارانہ ذمہ داریوں کی نشاندہی کے ساتھ ساتھ مسائل کے حل کے لئے بھی جدوجہدکرتی آرہی ہے، تنظیم اساتذہ پاکستان میں پرائمری سے یونیورسٹی سطح کے تمام کیڈرزکے اساتذہ موجودہیں اوراس تنظیم میں ہرسال نومبر،دسمبرمیں یونٹ،تحصیل،ضلع،صوبہ اورمرکزی سطح کے باقاعدہ انتخابات منعقدہوتے ہیں اورملک بھرسے اساتذہ شرکت کرتے ہیں۔انہوں نے کہاکہ صوبائی حکومت 26ستمبر2019کواساتذہ کیلئے ایک استاد ایک ووٹ کی بنیادپرانتخابات کااعلان کرچکی ہے جس میں چترال بھرسے تقریبا4262میل فیمل اساتذہ ووٹ ڈالیں گے۔ اس فیصلے کی روشنی میں تنظیم اساتذہ چترال اپراورلوئرباہمی مشاورت کے بعدباقاعدہ نامزدگی کااعلان کردیاہے۔انہوں نے کہا کہ 24سال بعدصوبہ خیبرپختونخوامیں اساتذہ تنظیم انتخابات منعقدہورہی ہے۔اس انتخابات کویقینی بنانے میں صوبائی جنرل سیکرٹری خیراللہ حواری نے کلیدی کرداراداکیاہے۔ تنظیم اساتذہ پاکستان چترال صوبائی نامزدامیدوارسیدمحمدشاہ باچا اورجنرل سیکرٹری سکندرخان یوسفزئی کوسپورٹ کریں گے۔۔

  • error: Content is protected !!