کمشنر ملاکنڈ کی تمام ضلعی انتظامیہ اور پی ڈی ایم اے کو الرٹ رہنے کی ہدایت
سوات (چترال ٹائمزرپورٹ ) کمشنر ملاکنڈ ڈویژن ریاض خان محسود نے منگل کی صبح سے پورے ملاکنڈ ڈویژن میں شدید بارشوں اور بالائی علاقوں میں برفباری اور ژالہ باری کا سلسلہ دوبارہ شروع ہونے پر تمام علاقوں کی انتظامیہ اور پی ڈی ایم اے کو الرٹ رہنے کی ہدایت کردی ہے تاکہ کسی بھی ناگہانی صورتحال میں متاثرین کو فوری ریلیف مہیا کیا جاسکے درایں اثناء کمشنر ملاکنڈ نے فضاء گٹ کے قریب سوزوکی وین دریائے سوات میں گرنے اور اس کے نتیجے میں بچہ جاں بحق ہونے پر گہرے دکھ اور متاثرہ خاندان سے دلی ہمدردی کا اظہار کیا ہے انہوں نے بروقت ریسکیو کاروائی کرنے اور سوزوکی ڈرائیور کی زندگی بچانے پر ریسکیو 1122 کی حسن کارکردگی کو بھی سراہا ہے۔