کھوار اہل قلم حلقہ پشاورو زیر اہتماما پشاور پریس کلبہ ای تاریخی کھوار محفل مشاعرہ
پشاور(عطاو الرحمن عدیم) کھوار اہل قلم حلقہ پشاورو زیر اہتمام 10 مارچ یکشمبو انوس شامو 6 بجہ پشاور پریس کلبہ ای تاریخی وا عظیم الشان کھوار محفل مشاعرہ منعقد کورونو ہوئے ، ہیہ محفلہ کھوار اہل قلم حلقہ پشاورو نوغ کابینو حلف برداری تقریب دی ہوئے ، ہیہ محفلہ ملکھو مختلف ژاغار شعرائے کرام وا اہل ذوق حضرات بو امبوخ تعدادا تشریف انگیتیستانی۔
چھیترارو فخرو بش ژاو ڈائریکٹر جنرل لاء & ہیومن رائٹس کمیشن خیبر پختونخواہ جناب فضل خالق صاحب خاص مینؤو حیثیتہ تشریف انگیتیستائے، وا محفلو صدارتو سابق تحصیل ناظم وا صدر چترال چیمبر آف کامرس اینڈ انڈسٹری جناب سرتاج احمد خان صاحب کوراوشتائے۔
ہیغار علاوہ چھیترارو بو نویوکو شاعر و ادیب انجمن ترقی کھوار حلقہ پشاورو سرپرست اعلی عنایت جلیل عنبر صاحب، صدر انجمن ترقی کھوار حلقہ پشاور جناب مہربان الہی حنفی صاحب، چئیرمین انجمن ترقی کھوار حلقہ پشاور جناب خواجہ سعید احمد سعید صاحب، چھیترارو بو نامور شاعر وا نائب تحصیل ناظم جناب علاو الدین عرفی صاحب، چھیترارو نویوکو شخصیت سماجی کارکن جناب اسیر چترالی صاحب، مشہور و معروف شاعر و ادیب پروفیسر ظہور الحق دانش صاحب، کھوار زبان و ادبو اسمانہ ڑاپھیاک استاری جناب صالح نظام صالح صاحب، صدر یک زبان کاروان ادبو صدر جناب ظریف منور الزمان صاحب وا چھیترارو قابل فخر ژاو ایس پی عمران صاحبو سر علاوہ خور دی لوٹھوروان وا نامور شعرائے کرام بو امبوخ تعدادا شرکت ارینی وا محفلو زعفران زار ساوزیتانی۔
محفلو آغاز عالمی انعام یافتہ قاری شمس الرحمن صاحبو شیرین ہوازا تلاوت کلام پاکو سورا ہوئے، ہتیغار اچی معروف نعت خواں جناب نصیر الدین نصیر صاحبو ہوازا نعت رسول مقبول صلی اللہ علیہ وسلم پیش کورونو ہوئے۔ محفلو خاص مینو جناب فضل خالق صاحب نو منتخب کابینو سر حلف گانیتائے وا محفل مشاعرو باقاعدہ آغاز ہوئے۔
جناب علاو الدین عرفی صاحب، جناب صالح نظام صالح صاحب، پروفیسر ظہور الحق دانش صاحب، عبد اللہ شہاب صاحب، وا ظریف منور الزمان صاحب تن کلامن پیش کوری محفلو قابل داد و دید ساوزیتانی وا شرکاء محفل دی بو سخی گاری کوری محفلو شیلئیکا تن کردارو ادا ارینی، سٹیجو زمہ داریو جناب راشد راوی صاحب وا جناب امیر الدین امیر صاحب شھیلی طریقہ ادا ارینی۔
صدر کھوار اہل قلم حلقہ پشاور عطاؤ الرحمن عدیم صاحب, سلیم الدین ایڈوکیٹ صاحبو گنی پورا پروگرامو زمہ داریان تن کریمتو گنی شھیلی طریقہ ادا اریر، وا کھوار اہل قلم حلقہ پشاورو ویشکیار ای تاریخی کھوار محفل مشاعرہ منعقد کوری بو مبارکباد وصول اریر۔
محفل مشاعرہ شامو 6 بجہ شروع بیتی چھویو 11:30 پوروزیتائے، محفلو اختتامی تقریبو سم خطاب کوری خاص مینو جناب فضل خالق صاحب وا محفلو صدر جناب سرتاج احمد خان صاحب پروگرامو بو اشتیکھے تاریخی محفل مشاعرہ قرار پرانی، وا گیاک محفلان بچے پورا تعاونو یقین دہانیو ارینی۔
وا صدر کھوار اہل قلم عطاو الرحمن عدیم تن تاثراتن اظہارو کوری تھمام قدرو بش مینوان، شعرائے کرامن،شرکاء محفل، اپس پی عمران صاحب وا خاص طورا سلیم الدین ایڈوکیٹ صاحبو وا عنایت الرحمن عزیز صاحبو شکریو ادا اریر۔
ہموش بیتی کھوار اہل قلم حلقہ پشاورو ویشکیار منعقدہ ای عظیم الشان تاریخی مشاعرہ پوروزیتائے۔
محفلہ شامل شعرائے کرامن موژی۔
جناب علاو الدین عرفی صاحب
جناب صالح نظام صالح صاحب
جناب عنایت اللہ اسیر صاحب
جناب ظہور الحق دانش صاحب
جناب ابراہیم شاہ طائر صاحب
جناب ظریف منور الزمان صاحب
جناب عبد اللہ شہاب صاحب
جناب مہربان الہی حنفی صاحب
جناب خواجہ سعید احمد سعید صاحب
جناب عطاو الرحمن عدیم
جناب مطیع الرحمن پاشا صاحب
جناب مہتاب ضیاب صاحب
جناب عطاو الرحمن عطا صاحب
جناب مولانا ابو عاطف بیگال صاحب
جناب مولانا عبد الرزاق سکندر صاحب
جناب مولانا محمد عمر فیضی صاحب
جناب مولانا عطاو الرحمن مقصود صاحب
جناب عبد القادر جلالی صاحب
جناب ندیم حسین نئر صاحب
جناب راشد راوی صاحب
جناب حیات محمد کیفی صاحب
جناب خیر محمد سہیل صاحب
جناب نورشاہدین اداس صاحب
جناب پیر خواجہ مختار صاحب
جناب سفیر اللہ کشمی صاحب
جناب الطاف الرحمن رومی صاحب
جناب سجاد سحر صاحب
جناب عبید فلک صاحب
جناب صفدر ساجد صاحب
جناب فصیح الدین ناسخ صاحب
جناب نذیر احمد نذیر صاحب
جناب ماجد مجروح صاحب
جناب ظہیر امان ظہیر صاحب
جناب امیر الدین امیر صاحب
جناب رحیم الدین دیس صاحب
جناب ولی الدین وداد صاحب
جناب عمران اللہ عابد صاحب
جناب زکریا ذکاء صاحب
جناب رفیع اللہ رنجور صاحب
جناب مجیب الرحمن ہمدرد صاحب
جناب حبیب اللہ انقلابی صاحب
جناب وقار الدین وقار صاحب
جناب سردار اعظم اعظم صاحب
جناب ظفر شاہ مسرور صاحب
جناب حمید اللہ مسرور صاحب
جناب وقار احمد صاحب
جناب غلام قادر جلالی صاحب
جناب ثناء اللہ ثنائی صاحب
جناب توقیر راہی صاحب
جناب سلیم الدین ایڈوکیٹ صاحب
وا شک شعرائے کرام شریک اوشونی۔
