Chitral Times

May 27, 2019

ﺗﻔﺼﻴﻼﺕ

  • زمیندار…………زاہد علی نزاری شوتخار

    March 10, 2019 at 10:37 pm

     

    زمیندار
    فخر قشقار زمیندار

    سہی کورمغار زمیندار

    کمو گنی کوسن قناعت

    کیچہ بختوار زمیندار

    گوغ چواٹنتین دی بوی پیدیر

    فائدہ تہ فصلار زمیندار

    سر زمین چھترارا

    مثال میتار زمیندار

    ہوستہ گنی اوچہ یوزونو

    وہ چھے دی تیار زمیندار

    ریشوان کراڑیان سورا

    کوسن گلفتار زمیندار

    ہے ریشو دی تہ لوارکیا وت

    نہ ییری، نہ پھار زمیندار

    اللہو رحمتہ تتین ہیت

    کیچہ مزاخار زمیندار

    دعا کوین ہار ای مخلوق

    اللہ تہ ستار زمیندار

    کوروم دی خدایو نامن

    کوروس دی ازبار زمیندار

    تخم ریزی می کنی درارض

    ہرقسمو بیار زمیندار

    کی بشیران بوسان تو خوشان

    بوی چھیتور ہمار زمیندار

    کوروس تن نیروازو سورا

    چھیترو برابار زمیندار

    کیاوت نا امید نوبوس تو

    امید تہ سم یار زمیندار

    می گزاری در ہمہ حالت

    شکر صد ہزار زمیندار

    پت غیشوم کھوارا ریر

    تتین کوروم غار زمیندار

    بتھنو مدیریو سم

    تو بو وفادار زمیندار

    نزاری دعا تان کورے

    خوشان تان بہرچار زمیندار

  • error: Content is protected !!