نودونی عاشیقی اچی غمتو دوۓ (ا فسانہ)…..ہدایت الحق

میردولہ خانو اژیلو نو باو اوشونی دعا و امیدا بے بسی غیچھی گیاو اوشوۓ آخر بو دعار اچی اللہ پاک میردولہ خانوت ای ژور دیتی استائے ہے ژور ای پھولوک بیکین دورو رویان سفان توجہ ہو سوری اوشوئے ساف اتو خیالو لاکھاو اوشونی ہے ژورو نام ماہرہ کنول اوشوئے.
ماہرہ پھوکیاری بو وخشی بوردی استاۓ دنیا شا ایشپورو رے توتے پتہ نو اوشوئے بو مستیہ تن زندگیو تیراو اوشوئے نانو چے تاتو زبانار ماہرو نام اف نو دیاو اوشوئے ماہرہ صورتو بو شہیلی اوشوۓ ژانگ قالپو لوٹ عیچھان و پینٹورو موخو سوم اوشوۓ بو ہردی چوکونو بیکن تو دیہا ہر ایوالی تو ہش کوراو اوشونی.
ماہرو خاندان بو مہذب و جم خاندان اوشوئے میردولہ خان تن زماناری بو نوئوکو موش اوشوۓ دیہو موشور اوشوۓ وا اتو حال بیک بو مختلف اوشوۓ ای ژور بیکیں ماہرہ تو بو خوش اوشوئے
لش بیتی ماہرہ دی چوموٹ کیر ہوئے تو دادا بو امیدان سورا تو التی ای جام کالجا داخلہ اریر مہ ژور سبق ریر رے.
ماہرہ لش لش بیتی عشقو لحاظیا مبتلا ہوئے ہنسن شروع اوشوئے ماہرہ بالکل بے فکر استائے اچانک ڈاقو ویشکیاری رشتو پیغام ہائے..
ماہرو تتو چے نان ہے ریشتو نو مانیتانی ریتانی کی اسپہ خاندان لوٹ رویان اسپہ کیچہ پھوک خاندانو سوم رشتہ بویا ماہرہ زیت دی اریر لیکن ہورو تت نو مانیتاۓ.
ماہرہ نو مانیکو سوم ڈاقو ویشکیار دھمکی گیگ شروع ہونی نان تت ماہرو سر بو ناراض ہونی ہیا ماہرو باچین ناقابل برداشت اوشوۓ ہر لوا تت طنز کوراو اوشوۓ ماہرو ہال بیک مشکل بیتی اوشوۓ دیہا دی تو نورغیچھی دیاو اوشونی.
ماہرہ وا اتے ماہرہ نو بہچی استاۓ انو سار انوس غم ژوتی لوٹ لوٹ غیچ پاہانو غیری بی اوشونی قالب تھاراو اوشوۓ انوسی دون دونا و اشرو غیچھی ہال باو اوشوۓ ای انوس گیاوا کوچاہا ڈق تو روئتو دیتی توتے بدکالامی اریر و تو دہمکی پرائے ماہرہ کیری دورا ہائے گیتی نانوت ہے لوو پرائے دیکو نان سیق دی قاہری ہوئے وا طنز کوری ریتائے تو ژوت اسپت بہتی اسوس تن لوو مو دیت ریکو ماہرہ نانو دھمکی دیتی اوا تن سرو ماریم رے ای ژانگ بیلڈنگو ٹیکہ بی خودکشی اریر… نو دونی عاشیقی اچی عمتو دوۓ