زرعی بینک کے قرضہ جات کی فراہمی میں اضافہ اورسہل بنایا جائے…عوامی حلقے
بونی (چترال ٹائمزرپورٹ)سب ڈویژن مستوج کے عوام نے زرعی بینک کے اعلیٰحکام سے مطالبہ کیا ہے کہ علاقے کی پسماندگی اور غربت کو مدنظر رکھتے ہوئے عوام خصوصا کاشتکاروںکو قرضہ جات کی فراہمی کو سہل بنانے کے ساتھ اس میں اضافہ کیا جائے.اورزیادہ سے زیادہ کاشتکاروںکویہ سہولت فراہم کی جائے تاکہ زرعی پیداوارمیں اضافے کے ساتھ پسماندہ علاقوںکے عوام خوشحال ہوسکیں . زرعی بینک بونی برانچ کی نئ بلڈنگ میں منتقلی کی افتتاحی تقریب کے موقع پرخطاب کرتے ہوئے علاقے کے معتبرات اور عوامی نمائندگان نے علاقے کی پسماندگی کے خاتمے میں زرعی بینک کی خدمات کوشاندار الفاظ میں سراہا. اور بہترین سروسز کی فراہمی پر برانچ منیجر سید نظارعلی شاہ،منیجرناصرالحق و دیگرسٹاف کا شکریہ اداکیا. اس موقع پر شرکاء کا شکریہ ادا کرتے ہوئے برانچ منیجر سید نطارعلی شاہ نے کہا کہ بینک اپنے صارفین کو بہترسروس اورکشادہ ماحول کی فراہمی کیلئے برانچ کو نئی بلڈنگ میں شفٹ کردیا ہے . اس موقع پر فیتہ کاٹ کر نی بلڈنگ کا افتتاح کیا گیا.