Chitral Times

Mar 28, 2024

ﺗﻔﺼﻴﻼﺕ

وزیر اعظم کے اعلان کردہ 50لاکھ گھر پروگرام میں چترال کو بھی شامل کیاجائے۔۔ شہزادہ ابرہیم

شیئر کریں:

چترال(نمائندہ چترال ٹائمز ) این سی سی بی اسلام آباد کے چیف ایگزیکٹیوپیرزادہ شہزادہ ابراہیم نے چترال پریس کلب میں ایک پریس کانفرنس سے خطاب کرتے ہوئے کہا ہے کہ وزیر اعظم کے اعلان کردہ 50لاکھ گھر پروگرام میں چترال کے لوگوں کے لئے خیبر پختونخوا کے کسی محفوظ مقام پر زمین الاٹ کئے جائیں ،کیونکہ ضلع چترال قدرتی آفات کے حوالے سے زون فور پر واقع ہے۔ جہاں کسی بھی وقت قدرتی آفات رونما ہو سکتے ہیں۔اُنہوں نے کہاکہ اس سلسلے میں این سی سی بی اسلام آباد میں اپنی خدمات پیش کرنے کے لئے تیار ہے۔

شہزادہ ابراہیم نے کہا کہ ہم چائنہ پاکستان اکنامک کوریڈورسے اس وقت تک فائدہ نہیں اُٹھا سکتے جب تک ہم اس کے لئے خود کو تیار نہیں کریں گے۔ اس سلسلے میں ہمیں سب سے پہلے چائنہ زبان پر عبور حاصل کرنا ہوگا۔ انھوں‌نے بتایا کہ وہ چترال کے نوجوانوں‌کیلئے چائنیز زبان سیکھنے کے حوالے سے چائنا کی ایک بڑی یونیورسٹی کے اعلیٰ‌حکام سے رابطے میں‌ہیں‌.بہت جلد چترال میں‌ اس کا ایک سنٹر کھولا جائیگا. جہاں‌نوجوانوں‌کو آن لائن چائنیز زبانی سیکھائی جائیگی.

اُنہوں نے کہا کہ ہم جس پراجیکٹ پر کام کر رہے ہیں پہلے تسلی،پھر قبضہ بعد میں پیسہ ہمارا موٹو ہے۔اُنہوں نے اس امر پر افسوس کا اظہار کیا کہ اُن کی غیر موجودگی میں بعض سازشی عناصر نے اُن کے خلاف باتیں بنائیں حالانکہ سب کو معلوم ہے کہ میں نیشنل، انٹر نیشنل سطح چترال کے لوگوں کی بھلائی کیلئے مختلف سیکٹر پر کام کر رہا ہوں اور گزشتہ چند سالوں سے اسی مقصد کے تحت امریکہ میں قیام پذیر رہا ،اور اقوام متحدہ کے اجلاس سے بھی خطاب کرکے پاکستان کی نمائندگی کی۔ جبکہ وہاں سے واپسی مختلف حکومتی وزرا ء سے چترال کے مسائل کے سلسلے میں ملاقات کی ، اورعنقریب وزیر اعظم پاکستان عمران خان سے ملاقات کرکے سی پیک کے حوالے سے اپنی تجربات سے اُنہیں آگاہ کروں گا۔


شیئر کریں: