غیرملکیوںکی سیکورٹی کو ہرلحاظ سے یقینی بنانے کیلئے چترال پولیس کی موک ایکسرسائز
چترال (چترال ٹائمز رپورٹ )ملکی۔صورت حال کے پیش نظر چترال میں مختلف پراجیکٹس میں کام کرنے والے غیر ملکیوں کی سیکورٹی کو ہر لحاظ سے بہتر بنانے اور ان کی تحفظ کو یقینی بنانے کیلئے چترال پولیس کے سربراہ کی ہدایت پر آرمی/سکاوٹس کے باہمی تعاون سے Mock Exersice کی گئی۔موک ایکسرسائز رہرسل اس مقصد کے لئے کی جاتی ہے تاکہ کسی بھی ایمرجنسی کی صورت میں فوری اقدامات اٹھائے جائیں اور جانی ومالی نقصان سے بچاجاسکے ۔ڈی۔پی۔او چترال فرقان بلال نے مزید اپنے بیان میں کہا کہ چترال میں قیام پزیر غیر ملکیوں کی جان ومال کی حفاظت ہماری اولین ترجیح ہے۔ انھوںنے کہا کہ اگرچہ چترال ایک پرامن ضلع ہے لیکن اس کے باوجود ہر ممکن سیکورٹی کو اولین ترجیح دی جائے گی تاکہ کوئی میلی آنکھ اس جانب نہ اٹھے۔