پیراشوٹ کے ذریعے کسی بھی شخص کو گلگت بلتستان کا گورنر بننے نہیں دیں گے ۔

گلگت ( چترال ٹائمز رپورٹ )اُمیدوار قانون ساز اسمبلی گلگت بلتستان ضلع غذر حلقہ نمبر1، سینئر وائس پریذیڈنٹ پاکستان تحریک انصاف ضلع غذر سید صداقت علی شاہ نے ایک سوال کے جواب میں کہا کہ افضل شگری (سابق آئی جی سندھ) کو گورنر نہیں بنارہے ہیں بلکہ تعلقات کی بنیاد پر میڈیامیں اپنا نام خود چلار ہے ہیں جس کی ہم بھرپور مذمت کرتے ہیں۔ گورنر گلگت بلتستان کا انتخاب پارٹی کے سینئر رہنماؤں سے باہمی مشاورت کے بعد ہی کردی جائے گی اگر خدانخواستہ پیراشوٹ کے ذریعے کسی شخص کو گورنر بنایا گیا تو احتجا ج ہی نہیں بلکہ دھرنا بھی دیں گے ۔ ” ن” لیگ کی حکومت میں ہم نے 126 دن رات اسلام آباد ڈی چوک میں دھرنا دی ، آنسو گیس اور شیلنگ کا سامنا کرکے بہت کچھ سیکھ چکے ہیں۔ گلگت میں الیکٹرانک میڈیاکی رسائی نہیں افسوس سے کہنا پڑتا ہے کہ گورنر گلگت بلتستان کے لیے ایک ایسے شخص کا نام لیا جارہا ہے جس کو پی ٹی آئی کے ورکر تو دور کی بات عوام گلگت بلتستان بھی صحیح طرح نہیں جانتے ہیں ۔ میڈیا میں ایسے شخص کانام دیکر کارکنان کی پریشانی بڑھ گئی ہے ہم وزیر اعظم عمران خان سے مطالبہ کرتے ہیں کہ گلگت بلتستان میں پارٹی کے لیے کام کرنے والے کسی بھی شخص کو گورنر بنایا جائے ہم تسلیم کریں گے ۔ پارٹی کے اندر بہت سارے سینئر کارکنان اورگورنر شپ کے لیے اہل قیادت موجود ہیں جن کے انتخاب سے نہ صرف پی ٹی آئی کارکنان بلکہ عوام گلگت بلتستان کے حوصلے بھی بلند ہوں گے۔ اُنہوں نے مذید کہا کہ پی ٹی آئی کارکنان گلگت بلتستان اور عوام کی خواہش ہے کہ جلد از جلد گورنر شپ کا انتخاب کرکے نیا گلگت بلتستان کا آغاز کیا جائے ۔ آئینی حقوق سے محروم عوام کی عمران خان سے بڑی اُمیدیں وابستہ ہیں ۔ انشااللہ قابل اور اہلیت کے حامل گورنر شپ کی تعیناتی گلگت بلتستان میں تبدیلی کی پہلی کرن ثابت ہوگی ۔