- Chitral Times - https://chitraltimes.com - Chitral Times

بدلتا ہے رنگ آسمان کیسے کیسے……….. فکرونظر: عبدالکریم کریمی


ہزاروں دلوں کو بےتاب کرنے والی روحی بانو کون ہے؟ یہ سوال بڑا دلخراش ہے وہ روحی بانو جس نے سائیکالوجی میں ماسڑز کیا۔ ٹی وی ڈرامہ میں شہرت کو عروج ملا۔ ایک عہد کی لیجنڈ رہی۔ ستر کی دھائی کی ایک کامیاب ترین اداکارہ کی زندگی میں اچانک ایسی نشیب آتی ہے کہ شادی کا بندھن بھی برقرار نہیں رکھ سکی۔ والد نے کروڑوں کی جائیداد چھوڑی۔ مگر سوتیلے بھائی سب لے اڑے۔ ایک بیٹا تھا جس سے ڈاکوؤں نے مار دیا۔ ذہنی توازن بگڑا تو ٹی وی والوں نے منہ پھیر لیا۔ پھر پاگل خانے میں جگہ ملی۔ اور اب کبھی پاگل خانہ تو کبھی لاہور کی سڑکیں۔ بدلتا ہے رنگ آسمان کیسے کیسے۔ عرش سے فرش پہ آتے دیر نہیں لگتی۔ اس لیے سیانوں کا کہنا ہے کہ اچھے وقتوں میں شکر، ذکر اور یاد الٰہی سے غافل نہیں ہونا چاہیے اور برے وقتوں میں صبر سے۔ کیونکہ اللہ پاک نے انسان کو دل دیا لیکن اس کا سکون اپنے پاس رکھا اور فرمایا:

اَلَا بِذِکْرِ اللہِ تَطْمَئِنُ الْقُلُوْبُ۔ (سورہ الرعد، آیت اٹھائیس نصف حصہ)
یعنی دل کا سکون صرف اللہ کی یاد میں ہے۔

اللہ پاک ہم سب کو ایسی آزمائشوں سے اپنی پناہ میں رکھے۔ آمین!