Chitral Times

Sep 24, 2018

ﺗﻔﺼﻴﻼﺕ

  • غذر حلقہ 1کے منتخب عوامی نمائندے نوازخان ناجی کا سیلاب سے متاثرہ علاقوں کا دورہ

    July 22, 2018 at 10:35 pm

    اشکومن(کریم رانجھا) ؔ غذر حلقہ 1کے منتخب عوامی نمائندے نوازخان ناجی کا سیلاب سے متاثرہ علاقوں کا دورہ،ریلیف کے کاموں کا جائزہ لیا،مختلف مقامات پر متاثرین سے ملاقات کی اور مسائل سنے،حکومتی اداروں اور این جی اوز کی کارکردگی پر اطمینان کا اظہار کیا،دور دراز کے مقامات کے لئے ہیلی کاپٹر کے ذریعے خوراک اور ادویات پہنچانے کی کوششوں میں تیزی لانے کا بھی مطالبہ کیا۔نوازخان ناجی گزشتہ روز سیلاب سے متاثرہ علاقوں کا دورہ کیا اس موقع پر خشکہ بلہنز،بلہنز،مجاور اور تشنلوٹ کے مقام پر متاثرین سے ملاقات بھی کی اور سیلاب سے ہونے والے مالی نقصان پر گہرے دکھ کا اظہار کیا اور متاثرین کی ہر ممکن مدد کی یقین دہانی کرائی۔انہوں نے سیلاب زدہ علاقوں میں جاری ریلیف کے کاموں کا بھی جائزہ لیا اور ضلعی انتظامیہ ،گلگت بلتستان ڈیزاسٹر منیجمنٹ اتھارٹی ،فوکس سمیت دیگر اداروں کی کارکردگی کو خراج تحسین پیش کیا۔بعد ازاں میڈیا نما ئندوں سے بات چیت کرتے ہوئے انہوں نے کہا کہ حکومتی اداروں اور این جی اوز نے سیلاب کے فوری بعد ریلیف کے کاموں کا آغاز کردیا،متاثرین تک بروقت ادویات،خیمے اور خوراک پہنچایا ،اس کارکردگی پر متعلقہ ادارے شاباش کے مستحق ہیں۔ان کا مزید کہنا تھا کہ بحثیت منتخب نمائندہ مشکل کی اس گھڑی میں متاثرین کے ساتھ ہوں ،متاثرین کی بحالی کے لئے کوئی دقیقہ فروگزاشت نہیں کیا جائے گا۔انہوں نے فورس کمانڈر سے مطالبہ کیا کہ بالائی علاقوں میں پھنسے افراد تک خوراک اور ادویات پہنچانے کے لئے ہیلی سروس میں فوری اضافہ کیا جائے۔

  • error: Content is protected !!