Chitral Times

Sep 20, 2018

ﺗﻔﺼﻴﻼﺕ

  • شندور فیسٹول دوسرے دن کے کھیل ، چترال بی اور گلگت آفیسرز ٹیم نے ٹائٹل اپنے نام کرلی

    July 8, 2018 at 10:16 pm

    شندور ( جمشید احمد )حسب سابق امسال بھی دنیا کے بلند ترین پولوگراؤنڈ میں شندور میلہ دوسرے روز بھی جوش و خروش سے جاری رہا اور شائقین کی ایک بڑی تعداد اس موقع پر موجود تھی جس میں مہمان خصوصی کی حیثیت سے ڈپٹی سپیکر گلگت بلتستان نے بھی شرکت کی ۔ اس کے علاوہ خیبر پختونخوا کے نگران وزیر قانون اسد اﷲ خان چمکنی اور آئی جی پی خیبر پختونخوا بھی موجود تھے،

    ضلعی انتظامیہ چترال کے زیر انتظام جاری شندور فیسٹول کے دوسرے روز تین میچز کھیلے گئے ۔ پہلا میچ گلگت سی اور چترال سی کے درمیان کھیلا گیا ۔ جس میں گلگت سی نے چار کے مقابلے میں پانچ گول کی برتری سے چترال کو شکست دی ۔ دوسرا میچ چترال آفیسرز کلب اور گلگت آفیسرز کلب کے درمیان کھیلا گیا جس میں گلگت آفیسرز کلب نے دو کے مقابلے میں پانچ گول سے کامیابی حاصل کی ۔ اسی طرح تیسرا میچ گلگت بی اور چترال بی کے مابین کھیلا گیا جس میں چترال نے گلگت کو تین کے مقابلے میں آٹھ گول سے شکست دی ۔
    اس موقع پر سیاحوں اور پاک فوج کے جوانوں نے پیراگلاٹنگ کے شاندار مظاہرے کئے اور پاک فوج کے ایس ایس جی جوانوں نے دس ہزار فٹ سے فری فال کا مظاہرہ کرکے شائقین کو محظوظ کیا ۔

    شندور فیسٹول کا فائنل میچ پیر کے دن چترال اے اور گلگت اے کے درمیان کھیلا جائیگا۔ میچ کے دوران پیراگلائڈنگ کا شاندا ر مظاہرہ بھی ہوگا۔ یادرہے کہ شندور فیسٹول گزشتہ سالوں کی طرح اس سال بھی ضلعی انتظامیہ چترال کے زیر انتظام جاری ہے ۔

  • error: Content is protected !!